राप्रपा–समितिकै कारण तुहिएको राजावादी आन्दोलनबाट प्रसाईपनि तर्किए के होला ?

काठमाडौं–राजावादीहरूले गत १५ जेठमा रत्नपार्कबाट आन्दोलन सुरु गरेका थिए । दोस्रो दिन माइतीघर–बबरमहल क्षेत्रमा प्रदर्शन गरेका राजावादीले तेस्रो दिन बालुवाटार क्षेत्रमा प्रदर्शन गरेका थिए । चौथो दिन नक्साल नारायण चौरमा प्रदर्शन गरे । त्यसपछि राजावादी आन्दोलन कसरी बढाउने भने अन्योलमा देखिएको छ ।

राजसंस्था पुनस्र्थापनाका लागि गठित संयुक्त जनआन्दोलन समितिका संयोजक नवराज सुवेदीसहित राजेन्द्र लिङ्देन, कमल थापा र अन्य नेताको विकल्प खोज्न थालिएको छ । उनीहरुले राजावादी आन्दोलन निष्कर्षमा नपुराउने आन्दोलनमा सहभागि अन्य संगठनहरुले औल्याउन थालेका छन् ।
गत चैत १५ गतेको आन्दोलन हिंसात्मक बन्द राप्रपाका अध्यक्ष राजेन्द्र लिङ्देनले नागारिक बचाउ महाअभियानका संयोजक दुर्गा प्रसाईमाथि मात्र दोष लगाएको थियो । बल्खुमा भएको कार्यक्रमलाई संम्बोधन गदै लिङ्देनले प्रसाईलाई सरकारले किन नपक्रिएको भन्दै विरोध गरेका थिए ।
राजावादी आन्दोलनमा नवराज सुवेदीको नेतृत्व सफल हुन नसकेको निष्कर्षसहित राजनीतिक दलबाहेक ४१ समूहले प्रश्न उठाएका छन् । यही जेठ २१ गते भएको समीक्षा बैठक नै भाँडिएपछि राजावादी आन्दोलनका संयोजक सुवेदीले विज्ञप्तिमार्फत आन्दोलनको स्वरूप परिवर्तन भएको घोषणा गर्दै स्थानीय तहसहित जिल्लाजिल्लामा आन्दोलन गर्ने बताएका थिए । त्यसमा राजेन्द्र लिङदेनले मनसुनका कारण अहिलेको चरणका आन्दोलन सकिएको आशय व्यक्त गरेका थिए ।

तर, राजनीतिक दलबाहेक आन्दोलनमा सहभागी समूहहरूले आन्दोलनलाई अझ सशक्त बनाएर लैजानुपर्ने बताएका छन् । उनीहरूले नेकपा (एमाले)बाट निकालिएका नेता रावल, कांग्रेस नेता शंकर भण्डारी, नेपाली कांग्रेस बीपीका नेता कर्णबहादुर मल्लसहितसँग कुरा भइरहेको भन्दै सुवेदीलाई संयोजकबाट हटाएर नयाँ ढंगले अघि बढ्ने बताएका थिए ।

विगतमा कुनै पनि परिवर्तन भोटबाट नभएको भन्दै लिङ्देनले आन्दोलनकै बलमा व्यवस्था बदलिएको स्मरण गराए । उनले जनताले व्यवस्थाको विकल्प खोजेको दाबी गरे । ‘हामी गणतन्त्र आन्दोलनबाटै फेर्न चाहन्छौँ । जनताले विकल्प खोजिराखेको छ,’ उनले भने ।

उनले बेलायतमा राजसंस्था पुनस्र्थापना भएको स्मरण गराउँदै नेपालमा पनि गणतन्त्र ढालिछाड्ने उद्घोषसमेत गरे । ‘यो गणतन्त्र ढिलोचाँडो ढल्छ, ढल्छ,’ उनले भने, ‘ बेलायतमा के भएको थियो भनेर इतिहास पढ्नुस् ।’ त्यसैबिच, राप्रपा नेपालका कार्यकर्ताले प्रधानमन्त्री केपी ओली र गृहमन्त्री रमेश लेखकको पुत्ला जलाएका छन् ।

यति जोस देखाएका लिङ्देन राजावादी आन्दोलनबाट पछि हटेका छन् । उनले असारजस्तो समयमा आन्दोलन गर्नु नहुने तर्क समेत दिन थालेका छन् । केही आन्दोलनका लागि जोसिएका कमल थापा पनि अहिले चुपचाप छन ।
यता ४१ समूहले भने प्रसाई जतिको नेता राजावादी आन्दोलन हाँक्न आवश्यक रहेको बताउन थालेका छन् । सुवेदी, थापा र लिङ्देनले राजावादी आन्दोलन आफनो लागि गरेको उनीहरुको आरोप छ ।
राप्रपाका एक नेताका अनुसार ४१ समूहले अहिले प्रसाईलाई छुटाएर राजावादी आन्दोलन अघि बढाउनुपर्ने जानकारी दिए । अहिले राजावादी आन्दोलन रोकियो । सरकारले विफल पारेको निष्कर्ष निकालेको छ ।

Image Source: © https://mulpatra.com