खरेल र गौतम बाहेक प्रधानमन्त्रीसहित सबै मन्त्रीले बुझाए सम्पत्ति विवरण
काठमाडौं– सञ्चार तथा सूचना प्रविधिमन्त्री जगदिश खरेल र स्वास्थ्य तथा जनसंख्यामन्त्री सुधा गौतम बाहेक प्रधानमन्त्रीसहित सबै मन्त्रीले सम्पत्ति विवरण बुझाएका छन् ।
प्रधानमन्त्री तथा मन्त्रिपरिषद्को कार्यालयको वेवसाइटमा राखिएको विवरण अनुसार १० सदस्यीय मन्त्रिपरिषद्मा प्रधानमन्त्रीसहित ८ जनाले सम्पत्ति विवरण बुझाएका हुन् ।
प्रधानमन्त्री कार्की, अर्थमन्त्री रामेश्वर खनाल, उर्जामन्त्री कुलमान घिसिङ, गृहमन्त्री ओमप्रकाश अर्याल, उद्योगमन्त्री अनिलकुमार सिन्हा, शिक्षामन्त्री महाविर पुन, कृषिमन्त्री डा।मदनप्रसाद परियार र युवामन्त्री बब्लु गुप्ताले बुझाएका हुन् ।