सुधनलाई स्वार्थमा चोख्याएर गृहमन्त्रीमै फर्काइयो, बालेनको न्यायमा अर्को प्रश्न दिपकको के हुन्छ ?

काठमाडौं– गृहमन्त्री सुधन गुरूङले सम्पत्ति शुद्धीकरणका अभियुक्तहरू दीपक भट्ट, सुलभ अग्रवाल लगायतको बिजनेसमा सेयर लगानी गरेको खुलेको थियो । तर छानबिन समितिले यसलाई अर्को व्याख्या गदै गुरुङलाई सफाइ गरेपछि उनी फेरी गृहमन्त्री भए ।

त्यसो त, गुरूङ ‘हामी नेपाल’ नामक संस्थालाई सबैभन्दा ठूलो वैदेशिक तथा आन्तरिक चन्दा दिनेमा पनि शंकर समूह नै अगाडि रहेको विवरण यसअघि नै सार्वजनिक भएको थियो । यी घटनाले उनीमाथि गम्भीर प्रश्न उठ्ने देखिएको छ ।

योसँगै जेनजी आन्दोलनपछि सुधनमाथि मानव अधिकार आयोग र कार्की आयोगले समेत दोषी ठहर गदै कारवाहीका लागि सिफारिस गरेका थिए । तर स्यंम प्रधानमन्त्रीले दुवै आयोगको प्रतिवेदन लत्याउँदै उनलाई नै गृहमन्त्रीमा आफनो सरकारमा भित्र्याए ।

सुधन गृहमन्त्री दोहोरिएपछि राश्वपा पनि नैतिक संकटमा परेको छ । सुशासन र परिवर्तनको नारासहित पुरानालाई गाली गरेर आएको राश्वपाले अब जनतालाई के भनेर जवाफ दिने भन्ने समेत अर्को प्रश्न खडा भएको छ ।

सुधन अघि नै तत्कालिन श्रम, रोजगार तथा सामाजिक सुरक्षा मन्त्री दिपक कुमार शाह पुदमुक्त भएका थिए ।

साह महोत्तरी–२ बाट प्रतिनिधि सभा सदस्यमा निर्वाचित भएका हुन् । एमबीबीएस परीक्षा पास गराइदिने भन्दै ठगी गरेको आरोपमा तत्कालीन वल्र्ड वाइड कन्सल्टेन्सीको सञ्चालक दीपक साह र सिन्धुली घर भएका गणेश अधिकारीलाई प्रहरीले २०७३ असोज १६ मा पक्राउ गरेको थियो ।

Image Source: © https://mulpatra.com

२०७३ मंसिर १० मा काठमाडौँ जिल्ला अदालतका न्यायाधीश कृष्णकमल अधिकारीको इजलासले साह र अधिकारीविरुद्धको ठगी मुद्दामा दाबी नपुग्ने भन्दै सफाइ दिएको थियो ।

जिल्ला अदालतको फैसला उपर सरकारी वकिल कार्यालयले २०७४ जेठ ३ गते उच्च अदालत पाटनमा पुनरावेदन दिएको थियो ।

उच्च अदालत पाटनका न्यायाधीश लेखनाथ घिमिरे र न्यायाधीश डा. रवि शर्मा अर्यालको इजलासले २०७४ असार ३ गते जिल्ला अदालतको फैसला नै सदर गरेको थियो ।

मन्त्री शाह एकपछि अर्को विवादमा मुछिएका घटनाहरु सार्वजनिक भएपछि प्रधानमन्त्री शाहले चासो देखाएर रास्वपाका नेताहरुसँग छलफल गरेका थिए । गत चैत १३ गते मन्त्री नियुक्त भएका आफ्नै श्रीमती जुनु श्रेष्ठलाई स्वास्थ्य बिमा बोर्डमा नियुक्ति दिलाइएका थिए ।

त्यसको रहस्य बुझेपछि प्रधानमन्त्री शाह मन्त्री साहसँग असन्तुष्ट बनेका थिए । साह महोत्तरी–२ का प्रत्यक्ष निर्वाचित सांसद हुन् । बर्खाती

सुशासन र परिवर्तनको नारा दिएर आएको सरकारले स्वार्थमा गृहमन्त्रीलाई गृहमन्त्रालयमै फकाएपछि स्यंम प्रधानमन्त्रीमाथि प्रश्न खडा भएको छ ।

राजनीतिमा आएर छोटो समयमै शक्तिशाली पदमा पुगेका गुरुङ बिचौलिया दीपक भट्टको प्रभावमा लाइसेन्स पाएको स्टार माइक्रो इन्स्योरेन्सको संस्थापक सेयर धनी रहेको खुलेको थियो ।

उक्त इन्योरेन्सको प्रारम्भिक सेयर लगत सूचीको ४९औँ नम्बरमा सुधनको नाम छ । उक्त कम्पनीमा उनले २५ लाख रुपैयाँ सेयर लिएको लगानी भएको देखिएको छ ।

उक्त कम्पनी २०७९ सालमा लाइसेन्स पाएको लञु बीमा कम्पनी हो । आईओ समेत निष्कासन हुन बाँकी रहेको उक्त कम्पनीमा दीपक भट्ट लगानी रहेको कम्पनी इन्फिनिटी होल्डिङ्गस, जगदम्बा ग्रुप तथा शंकर ग्रुपको लगानी रहेको देखिन्छ । यी समूहका सञ्चालकहरू हाल सम्पत्ति शुद्धीकरणको अनुसन्धानका क्रममा प्रहरी हिरासतमा छन् ।

उक्त इन्स्योरेन्समा सेयर भएको देखिए पनि सुधनले यो विवरण सम्पत्ति विवरणमा भने खुलाएका थिएनन् । गृहमन्त्री सुधनले गत साता प्रधानमन्त्री तथा मन्त्रिपरिषद्लाई कार्यालयमा बुझाएको सम्पत्ति विवरणमा होप होल्डिङ्स र अनुज प्रमियम अपार्टमेन्टस् नामक कम्पनीमा मात्रै संस्थापक शेयर लगानी भएकबध उल्लेख गरेका थिए ।

यसबाहेक उनले धितोपत्र बजारमा कारोबार हुने सेयर भनेर २ करोड ७४ लाख रुपैयाँ बराबरको सेयर रहेको विवरण प्रस्तुत गरेका छन् । तर, स्टार माइक्रो इन्स्योरेन्सको यो सेयर धितोपत्र बजारमा कारोबार हुने प्रकृतिको शेयर होइन,त्यसैले यो शेयर यो समूहभित्र पर्दैन । धनकुटामा २० रोपेनी जग्गा समेत रहेको खुलेपछि उनीमाथि राश्वपामै प्रश्न उठेको थियो ।