राजावादी समुहभित्रै अपमानित भएपछि थापाले खोजे प्रसाई, एमालेतिर ढल्किदै लिङ्देन

काठमाडौं– पूर्वराजा ज्ञानेन्द्र शाहकै सक्रियतामा तितरबितर भएका राजावादीहरूलाई एक ठाउँमा ल्याइएको बताए पनि नेतृत्वबिचको टकराबका कारण फेरि आन्दोलन कमजोर भएको छ ।

जेठ २१ को विवादपछि सुवेदीले अब जिल्ला केन्द्रित आन्दोलन गर्ने निर्णयसहितको विज्ञप्ति सार्वजनिक गरेका थिए । तर, राजावादीको गतिविधि सक्रियतापूर्वक अघि बढ्न सकेको छैन ।

चैत १५ गते भएको तीनकुने हिंसात्मक घटनापछि रक्षात्मक बनेका राजावादीहरूले पुनः जुरमुराउँदै ‘राजसंस्था पुनस्र्थापनाका लागि संयुक्त जनआन्दोलन समिति’का संयोजक नवराज सुवेदीको नेतृत्वमा जेठ १५ देखि अनिश्चितकालीन आन्दोलन थालेका थिए । तर अहिले यो अन्दोलनको चर्चा नै हराएको छ ।

जेठ २१ गते सुकेधारास्थित एक पार्टी प्यालेसमा बसेको समीक्षात्मक बैठकमा सहभागीबिच नै माइक खोसाखोस भएको थियो । सरकारले लगाएको निषेधाज्ञालाई अवज्ञा गरेर आन्दोलनलाई शक्तिशाली बनाउनुपर्ने युवाको मागलाई समितिका नेताले अस्वीकार गरेका थिए ।

राप्रपाका अध्यक्ष राजेन्द्र लिङ्देन त्यो कार्यक्रममा सहभागी भएका थिएनन् । तर उक्त समीक्षात्मक कार्यक्रममा राप्रपा नेपालका लिङ्देन र राप्रपाकै अध्यक्ष कमल थापाले आन्दोलन आफू अनुकूल बनाउन खोज्दा अहिलेको समस्या सिर्जना भएको आन्दोलन समितिका प्रवक्ता स्वागत नेपालले आरोप लगाए । उनका अनुसार राजावादी आन्दोलन पार लाग्दैन । युवाहरूको नेतृत्वमा सशक्त आन्दोलन गर्नेगरी रणनीतिक छलफल भइरहेको छ । अबको आन्दोलन नयाँ शिराबाट अगाडि बढ्ने उनको दाबी छ ।

राप्रपाका अध्यक्ष राजेन्द्र लिङ्देनमाथि समेत आफूले नेतृत्व नपाएका कारण राजावादी आन्दोलन कमजोर बनाउन भूमिका खेलेको आरोप छ । जेठ २४ गते गृह जिल्ला झापामा सञ्चारकर्मीहरुसँगको कुराकानी गर्दै उनले वर्षा लागिसकेकाले अब ठूलो आन्दोलन नहुने र उपयुक्त समयमा पार्टीले आन्दोलन गर्ने बताउदै तर्किएका छन् ।

Image Source: © https://mulpatra.com

राप्रपाले गरिरहेको आन्दोलन राजसंस्था पुनःस्थापना, हिन्दू राज्यसँगै देशमा सुशासन र विकासका लागि पनि भएपनि उनी यसु आन्दोलनबाट भागेको राजावादीकै आरोप छ । पछिल्लो समय लिङ्देनले नै राजावादी आन्दोलन वर्षा लागेकाले अहिले सम्भव नभएको बताएपछि आन्दोलनमा थप धक्का लागेको छ ।

‘चैत १५ गते राजनीतिक दल प्रत्यक्ष संलग्न नभएको आन्दोलन राज्य पक्षले तितरबितर बनाइदियो । राजावादी आन्दोलनलाई निस्तेज पार्नका लागि त्यो राज्यको सुनियोजित प्रयास थियो । अहिले राजावादी समुहभित्रै आफु अपमानित भएपछि कमल थापाले भने नागरिक बचाउ महाअभियानका संयोजक दुर्गा प्रसाई खोजेका छन् ।

अहिले प्रसाई प्रहरी हिरासतमा छन् । जसका कारण उनीले आगामी दिनमा राजावादी आन्दोलनलाई के गर्छन भन्ने प्रश्न विषय बनेको छ ।

पूर्वराजा ज्ञानेन्द्र शाहसँग को नजिक बन्ने भन्ने होडबाजी र राजनीतिक फाइदा लिने आ–आफ्ना स्वार्थका कारण व्यवस्थाविरुद्धको आन्दोलन कमजोर र छिन्नभिन्न भएको देखिन्छ । तीनकुने हिंसात्मक घटनापछि राज्य विप्लवको आरोप खेपेका राप्रपाका उपाध्यक्ष रवीन्द्र मिश्र र महामन्त्री धवलशमशेर राणा धरौटीमा रिहा भएपनि गुमनाम छन् । यस्तै