भिजिट भिसा प्रकरणमा गृहमन्त्रीले राजिनामा दिनुपर्‍यो भने तत्काल ६ मन्त्रीले सरकार छाड्नुपर्छ: कांग्रेस महामन्त्री शर्मा(भिडियोसहित)

काठमाडौं –नेपाली कांग्रेसका महामन्त्री विश्वप्रकाश शर्माले संसदमा प्रतिपक्षीले राखेको विषयमा सरकार गम्भीर हुनुपर्ने बताएका छन् । तर भिजिट भिसामा गहृमन्त्री रमेश लेखकले राजीनामा दिनुपर्ने अवस्था आए तत्काल यस्तै प्रकरणको उजुरी परेका ६ जनाभन्दा बढी मन्त्री सरकार छाड्नुपर्ने अवस्था सिर्जना हुने शर्माले मूलपत्रसँग बताएका छन् ।

एउटा बन अधिकृत (डिएफओ) ले बदमासी गर्दा वनमन्त्री, एउटा शिक्षक दोषी हुँदा शिक्षा मन्त्रीको राजीनामा माग गर्नु जायज हुँदै हुँदैन । यदि त्यस्तो भयो भने उनका अनुसार शिक्षा, वन र अन्य यस्तै समस्या जोडिएका ६ जना मन्त्रीले सरकार छाड्नुपर्छ । त्यही भएर भिजिट भिसा प्रकरणमा अख्तियारलाई काम गर्ने दिनुपर्ने उनले बताए । ‘अख्तियार सरकारमाथि पनि छानबिन गर्ने संविधानिक निकाय भएका कारण निष्पक्ष काम गर्न दिनुपर्छ । गृहमन्त्रीमाथि कुनै प्रश्न र उजुरी नपरेको अवस्थामा राजीनामा माग गरेर प्रतिपक्षी नै अप्ठ्यारोमा परेको हो ।’ उनले भने ।

उनले छानबिन समिति गठन गरेपनि त्यसको प्रतिवेदन अख्तियारलाई नै दिनुपर्ने र अहिले अख्तियारले नै सोही मुद्दामा अनुसन्धान गरिरहेकाले पहिला अख्तियारको अनुसन्धान प्रतिवेदनलाई पर्खनुपर्नेमा आफूहरूको जोड रहेको बताए। उनले भिजिट भिसा प्रकरणमा छानबिन समिति गठन गर्नुपर्ने माग जायज नरहेको स्पष्ट पारे ।

राश्वपाले विगतमा आफनो सभापतिमाथि सांसदीय समिति छानबिनको माग गरेको नक्कल गरेको शर्माको अनुमान छ । भिजिट भिसा प्रकरणमा गहिरोसँग अनुसन्धान हुनुपर्ने र त्यसमा मुछिएका सबैमाथि छानबिन हुनुपर्ने उनको माग छ । तर अहिले विपक्षीले सांसद अवरुद्ध गर्नु समय अनुकुल नभएको शर्माको टिप्पणी छ ।

यस सन्दर्भमा अख्तियारले गृहमन्त्रीमाथि अनुसन्धान गरे स्वभाविक रूपमा पद त्याग गर्नुपर्ने भएपनि अहिले कर्मचारीमाथि मात्रै अनुसन्धान भइरहेको बताए ।

गृहमन्त्री रमेश लेखकले भिजिट भिसाबारे उठेका प्रश्नको जवाफ दिने, छानबिन समिति बनाउने र विपक्षी दलहरुले अवरोध खुलाउनेबारे छलफल भइरहेको छ । सहमति नहुँदा एक सातादेखि संसद अवरुद्ध छ ।

Image Source: © https://mulpatra.com

कर्मचारीमाथि अनुसन्धान भइरहँदा उजुरी नै नपरेको गृहमन्त्रीको राजीनामा माग गर्नु उचित नभएको उनको भनाइ छ । उनले अघिल्लो गृहमन्त्रीको प्रकरणसँग दाँजेर सदनमा आवेग प्रकट हुन खाजेको जस्तो देखिएको बताएका छन् ।

पुर्व प्रधानमन्त्री माधव नेपालमाथि नीतिगत निर्णयमा अख्तियारले अध्ययन छानबिन गरिरहेका कारण टिकाटिप्पणी गर्नु उचित होला । तर यस विषयमा निष्पक्ष छानबिन गर्नुपर्छ उनको भनाइ छ ।

यसका कारण जनता असन्तुष्ट

सरकारका काम कारवाही र जनताका अपेक्षाबीचको फराकिलो अन्तरको कारणले जनतामा असन्तुष्टि र निराशा बढ्दै गएको उनको टिप्पणी छ । जनताका अपेक्षा पूरा हुने किसिमका काम सरकारले गरिरहेको छैन भन्ने होइन । काम भइरहे पनि सरकारले बुझाउन नसकेको उनको भनाइ छ । ‘सरकार जनताको पक्षमा राम्रा काम भइरहेका छन् त भनिरहेको छ तर जनता त्यसमा विश्वास गर्न तयार छैनन् । किनभने उनीहरुले सरकारको दाबीअनुसारका कामको प्रतिफल देखिरहेका छैनन्, त्यसबाट लाभ पाइरहेका छैनन् र सुविधा उपभोग गर्न पाइरहेका छैनन् ।’ उनले थपे ।

जनताका यी असन्तुष्टि र निराशा बेलाबखत सडकमा डरलाग्दो किसिमले पोखिन थालेका छन् । यो स्थितिप्रति सरकार गम्भीर हुनुपर्ने उनको सुझाव छ ।

शर्मासँग गरिएको भिडियो कुराकारी