एसियन गेम क्वालिफायरका लागि दीपेन्द्रको नेतृत्वमा टोली घोषणा

काठमाडौं– सिंगापुरमा आयोजना हुने आगामी एसियन गेम्स क्वालिफायरका लागि नेपाली टोलीको घोषणा गरिएको छ ।

नेपाल क्रिकेट संघ (क्यान)ले दीपेन्द्र सिंह ऐरीको कप्तानीमा १४ सदस्यीय टोली घोषणा गरेको हो । यसअघि यूएईसँगको दुई खेलको टी–२० सिरिजमा टीममा नपरेका रोहित पौडेल टोलीमा फर्किएका छन् ।

प्रतियोगिता मे ३१ देखि जुन ९ सम्म आयोजना हुनेछ ।

नेपालको टोलीः दीपेन्द्र सिंह ऐरी (कप्तान), कुशल भुर्तेल, आसिफ शेख, रोहित पौडेल, सन्दीप जोरा, कुशल मल्ल, लोकेश बम, सन्दीप लामिछाने, शेर मल्ल, नन्दन यादव, आरिफ शेख, सोमपाल कामी, करण केसी र साहब आलम