प्रधानमन्त्रीको व्यवहारबाट देउवा वाक्कदिक्क, सरकार ढल्ने संकेत

काठमाडौं– वर्तमान सरकार सदनको सबैभन्दा ठूला दुई दल काँग्रेस र एमाले मिलेर बनेको हो । यसको नेतृत्व केपी शर्मा ओलीले गरिरहेपनि सत्ता साझेदार दल नेपाली काँग्रेस भने अख्तियारले पूर्वप्रधानमन्त्रीहरुमाथि नै खतराको संकेत गराउनेगरी कसरी कदम चाल्यो । यस विषयमा सत्ता साझेदार कांग्रेन नै असन्तुष्ट देखिन थालेको छ ।

प्रतिपक्षी दलका नेता एवं माओवादी केन्द्रका अध्यक्ष प्रचण्डको भनाइ मान्ने हो भने माधव नेपालको मुद्धाबारे जानकारी लिन काँग्रेस सभापति शेरबहादुर देउले नै उनलाई टेलिफोन गरेका थिए ।

देउवाको टेलिफोनबारे प्रचण्डले नै भनेका छन् –‘माधव नेपालमाथि मुद्दा दर्ता भयो, त्यो विषयमा के भएको हो ? भनेर देउवाले सोध्दै हुनुहुन्थ्यो । शेरबहादुरजीले मलाई फोन गरेर सोधेपछि म आफै आश्चर्यमा परेँ । त्यसपछि मैले तपाईंलाई नै यस विषयमा थाहा हुनुपर्ने हो नि भनेर जवाफ दिएँ ।’

गृहमन्त्री रमेश लेखकको भिजिट भिसा प्रकरणमा संलग्नता रहेको आरोपले संसद अबरुद्ध छ । यो विषयमा विपक्षीहरु एक स्वर भएर गृहमन्त्रीको राजीनामा आउनुपर्ने र उनीमाथि निश्पक्ष छानविन गरिनुपर्ने माग जोडतोडले उठाइरहेका छन् ।

तर यहीबीचमा सर्वोच्चबाट पूर्वसभामुख एवं नेकपा माओवादी केन्द्रका उपाध्यक्ष अग्नी सापकोटाविरुद्धको अपहरण तथा ज्यान मुद्दामा उत्प्रेषण आदेश आयो ।

उता अग्नी सापकोटा प्रकरणको विषय पनि द्वन्द्वकालीन मुद्धा भएकाले सत्य निरुपण तथा मेलमिलाप आयोगले छानविन गर्नुपर्नेमा प्रहरीलाई नै छानविन गराउन आदेश दिइएको भन्दै राजनीतिक दोहोरी चलिरहेको छ । यसर्थ यी केही आधारले पनि गृहमन्त्री प्रकरणको काउण्टरमा ओलीले विपक्षीलाई गलाउन यस्तो कदमहरु चालेका रुपमा व्याख्या भइरहेका छन् ।

Image Source: © https://mulpatra.com

प्रचण्डको यो खुलासाले विपक्षी गलाउने गरी भईरहेका पछिल्ला श्रृङ्खलाबद्ध घटनाक्रमहरु प्रधानमन्त्री ओली एक्लैको कदमका रुपमा लिइएको छ ।

प्रचण्डको यो खुलासाले विपक्षी गलाउने गरी भईरहेका पछिल्ला श्रृङ्खलाबद्ध घटनाक्रमहरु प्रधानमन्त्री ओली एक्लैको कदमका रुपमा लिइएको छ । त्ताको आलोपालोमा ओलीपछि देउवा प्रधानमन्त्री बन्ने शर्त छ । यस्तैमा ओलीले देउवालाई सहजै पद हस्तान्तरण गर्नेमा पनि शंका नै देखिन्छ । तर यदी सत्ता भंग भएमा सदनको सबैभन्दा ठूलो दलको हैसियतले देउवा नै प्रधानमन्त्री बन्ने पक्का छ ।

ओलीको राजनीतिक दाउपेच वा चलखेलका रुपमा पनि बुझेको स्पष्ट छ । त्यसैले नै देउवाले प्रधानमन्त्री ओलीको साटो प्रचण्डलाई टेलिफोन गरेको रुपमा बुझ्न सकिन्छ । ओलीले माधवलाई तर्साएर उनी नेतृत्वको नेकपा एसलाई विभाजित वा सिंगो पार्टी नै एमालेमा समाहित गराउने ओली रणनीति पनि देखिन्छ ।

पछिल्लो समय ओली व्यवहारबाट विपक्षी दल मात्र होइन । कांग्रेस पनि वाक्कदिक्क भएको बताउँदै आएका छन् ।