जंगीअड्डा अगाडि तनाव सुशीला कार्कीलाई सरकार प्रमुख बनाउन नहुने भन्दै विरोध

काठमाडौं– नेपाली सेनाले जङ्गीअड्डा वरिपरि कडाइ गरेपछि युवाहरू सुन्धारास्थित धरहराअगाडि भेला भएका छन् । हिजोदेखि जङ्गीअड्डा वरिपरि ठूलो संख्यामा भेला भएर नाराबाजी गर्न थालेपछि आज युवालाई सेनाले सुन्धारामै रोकेको हो ।

बिहानैदेखि सुन्धारामा भेला भएका युवाले ‘सुशीला कार्की मान्दैनौँ’ भन्दै नाराबाजी गरिरहेका छन् । उनीहरूलाई सेनाले माइकिङ गरेर धैर्य बस्न अनुरोध गरेको छ ।

जेनजी आन्दोलनको माग कार्कीलाई सरकार प्रमुख बनाउनका लागि नभएको ती युवाहरुको भनाइ छ ।

समाचार संकलनका लागि त्यहाँ पुगेका भारतीय मिडियाहरुविरुद्ध पनि युवाहरुले आक्रोश व्यक्त गरेका छन् । उनीहरुले ‘गो ब्याक इण्डिया’ भन्दै विरोध गरिरहेका छन् ।