निलम्बित अध्यक्ष ओझालाई हाजिर नगराउन बिमा प्राधिकरणलाई अर्थ मन्त्रालयको निर्देशन

काठमाडौं– अर्थ मन्त्रालयले निलम्बित अध्यक्ष शरद ओझालाई हाजिर नगराउन नेपाल बीमा प्राधिकरणलाई निर्देशन दिएको छ । सर्वोच्च अदालतले ओझाको पक्षमा अल्पकालीन आदेश दिँदै बर्खास्त गर्ने सरकारको निर्णय तत्काल कार्यान्वयन नगर्न भनेपछि उनी मंगलबार प्राधिकरणमा त्यसकै आडमा हाजिर गर्न पुगेका थिए ।

तर आफ्नो बर्खास्तगी रोक्ने अल्कालीन आदेशलाई टेकेर ओझा बुधबार प्राधिकरणमा हाजिर गर्न पुगेका थिए। उनी हाजिरका लागि प्राधिकरणमा पुग्दा अध्यक्षमा अर्थ मन्त्रालयकै सहसचिव सेवन्तक पोखरेल कार्यभारमै थिए ।

सर्वोच्चले आदेशमा बर्खास्तगीसँगै नयाँ नियुक्तिको प्रक्रिया रोकी दुवै पक्षलाई छलफलमा बोलाएको थियो। आदेशमा उनलाई हाजिर गराउने नगराउने भन्ने विषय समेटिएको छैन ।

प्राधिकरणले भने ओझालाई बिहीबारबाट अध्यक्षको रुपमा वेबसाइटमा राखेको छ भने अर्थ मन्त्रालयका पोखरेलको नाम हटाएको छ । प्राधिकरणले अध्यक्षमा ओझालाई राखेपछि अर्थ मन्त्रालयले असन्तुष्टि जनाउँदै तत्काल हाजिर गर्न नदिन पत्राचार गरेको छ ।