रवि लामिछाने नेतृत्वको रास्वपा र समीक्षा बास्कोटाको विवेकशील साझा पार्टीबीच एकता

काठमाडौं । आज राष्ट्रिय सभा गृहमा कार्यक्रम गर्दै राष्ट्रिय स्वतन्त्र पार्टी (रास्वपा) र विवेकशील साझा पार्टीले एकिकरण गरेका छन्।

दुबै दलले सोही कार्यक्रम मार्फत एकताको घोषणा गरेका हुन् । दुबै दलले केही दिन अघि मात्र पार्टी एकता गर्ने सहमती गरेका थिए ।

सहमति अनुसार विवेकशील साझाबाट रास्वपामा आउने प्रमुख नेताहरुलाई संघीय नेतृत्व समितिमा स्थान दिने तयारी छ । विवेकशील साझाकी अध्यक्ष समिक्षा बास्कोटा र महासचिव रञ्जु दर्शना यसै समितिमा रहने छन् । अरु कोको नेताहरुलाई स्थान दिने भन्ने टुंगो लागिसकेको छैन ।

संघीय नेतृत्व समितिका सदस्यहरुको केन्द्रीय सदस्य बराबर नै राजनीतिक हैसियत रहने छ । समितिमा रहेका नेताहरुले रास्वपामा आवश्यकता अनुसार विभिन्न जिम्मेवारी र भूमिका पाउने गरि सहमति गरिएको छ ।