एकैदिन ३५ सय बढ्यो सुनको मूल्य, चाँदीमा आज फेरि नयाँ किर्तिमान

काठमाडौं– साताको अन्तिम दिन शुक्रबार सुनचाँदीको मूल्य ह्वात्तै बढेको छ । आज सुन र चाँदीको मूल्य उच्च रकर्ड स्तरमा पुगेको छ ।

आज सुनको मूल्य एकैदिन ३ हजार ५०० रुपैयाँले बढेको छ चाँदी प्रतितोला १०० रूपैयाँ बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ५६ हजार ६०० रूपैयाँ निर्धारण भएको छ ।

हिजो छापावल सुन प्रतितोला २ लाख ५३ हजार १०० रुपैयाँमा कारोबार भएको थियो । यस्तै चाँदीको भाउ पनि लगातार बढेर उच्च रेकर्ड बनाएको छ । हिजो तोलामा ३ हजार ८०५ रुपैयाँमा कारोबार भएको चाँदी आज प्रतितोला ३ हजार ९०५ रुपैयाँ कायम भएको छ ।