सरकार–व्यवसायी संम्वाद, झन्झटिलो ऐन सुधारको एजेण्डासहित अध्यक्ष पदमा खत्रीको उम्मेदवारी

काठमाडौं– वैदेशिक रोजगार व्यवसाय संघको आगामी नेतृत्वका लागि वैदेशिक रोजगार व्यवसाय संघका पुर्व वरिष्ठ उपाध्यक्ष डिककुमार खत्रीले उम्मेदवारी दिएका छन् ।

खत्रीले व्यवसायीहरूको हकहित, व्यवसायिक वातावरणको सुधार तथा वैदेशिक रोजगार क्षेत्रका विद्यमान समस्याको समाधानलाई आफ्नो प्रमुख एजेन्डा राखेका छन् । एमाले निकट प्रगतिशील वैदेशिक रोजगार व्यवसायी मञ्च नेपालका चर्फबाट उनी अध्यक्ष पदमा उम्मेदवार हुन् ।

व्यवसायीलाई नजिकबाट बुझेका कारण हाल वैदेशिक रोजगारी क्षेत्रमा समस्यामा परेका व्यवसायीलाई सहयोग गदै आएका उनले युवा व्यवसायीका प्रतिनिधित्व समेत गर्ने संकेत दिएका छन् ।

उनले संघलाई व्यवसायीको वास्तविक प्रतिनिधि संस्थाका रूपमा स्थापित गर्दै सरकारसँग प्रभावकारी संवाद र समन्वय गर्नुपर्ने आवश्यकता रहेको एजेण्डा समेत बोकेका छन् ।

लामो समयदेखि वैदेशिक रोजगार क्षेत्रसँग आबद्ध खत्रीले व्यवसायीहरूका साझा मुद्दा उठाउँदा उनी युवा व्यवसायीको आस समेत बन्ने संकेत गरेका छन् ।

Image Source: © https://mulpatra.com

खत्रीले वैदेशिक रोजगार व्यवसायलाई थप व्यवस्थित, पारदर्शी र विश्वसनीय बनाउन नीतिगत सुधार आवश्यक रहेको बताउँदै व्यवसायीमाथि बढ्दो प्रशासनिक जटिलता तथा अनावश्यक दबाब अन्त्यका लागि संघले सशक्त भूमिका खेल्नुपर्ने धारणा अघि बढाएका छन् ।

हाल स्वतन्त्र व्यवसायी समेत संघको अध्यक्ष पदमा मैदान उत्रिने भएपछि खत्रीले उम्मेदवारीलाई झन महत्वपुर्ण रुपमा हेरिएको व्यवसायीहरुनै बताउँछन् । देश वैदेशिक रोजगारीले आर्जन गरेको रेमिट्यान्सबाट चलेको छ । यो भाषा सरकारकै हो । हामीले हाम्रो

संघको आगामी निर्वाचनमा अध्यक्ष पदका आकांक्षीहरूको संख्या बढ्दै जाँदा खत्रीको उम्मेदवारीले चुनावी प्रतिस्पर्धालाई थप रोचक बनाएको छ ।

व्यवसायीहरूबीच नेतृत्वको नयाँ बहस सुरु भइरहेका बेला केट्टले आफ्नो एजेन्डा र योजनासहित औपचारिक उम्मेदवारी घोषणा गर्ने तयारी गरिरहेका छन् ।

खत्रीका वैदेशिक रोजगारी क्षेत्रमा देखिएका समस्या केवल म्यानपावर कम्पनीसँग मात्र सम्बन्धित छैनन् । कामदार छनोट, भाषा तथा सीप तालिम, स्वास्थ्य परीक्षण, श्रम स्वीकृति, दूतावास सेवा, गन्तव्य मुलुकसँगको समन्वयलगायतका विषयमा सरकारी निकायका कमजोरी पनि पटक–पटक उजागर हुँदै आएका छन् ।

तर समस्या देखिँदा अधिकांश अवस्थामा म्यानपावर व्यवसायीमाथि मात्र कारबाही हुने गरेको भन्दै व्यवसायीहरूले असन्तुष्टि व्यक्त गरेका छन् ।

वैदेशिक रोजगारी प्रक्रिया बहुपक्षीय प्रणाली हो, जसमा सरकार, नियामक निकाय, स्वास्थ्य संस्था, तालिम प्रदायक, भिसा सेवा केन्द्र तथा कामदार स्वयंको पनि भूमिका र जिम्मेवारी हुन्छ । तर कुनै समस्या उत्पन्न भएमा सम्पूर्ण दोष म्यानपावर व्यवसायीमाथि थोपर्ने प्रवृत्तिले समस्या समाधानभन्दा पनि क्षेत्रलाई थप अन्योलतर्फ धकेलेको उनको तर्क छ ।

वैदेशिक रोजगारीमा ठगी, ढिलासुस्ती वा अन्य अनियमितता नियन्त्रणका लागि दोषी जोसुकै भए पनि समान रूपमा कानुनी दायरामा ल्याउनुपर्ने व्यवसायीहरूको माग छ ।

निष्पक्ष नियमन, प्रभावकारी अनुगमन र सबै पक्षप्रति समान व्यवहारबाट मात्र वैदेशिक रोजगार क्षेत्रलाई सुरक्षित, मर्यादित र विश्वसनीय बनाउन सकिन्छ भनेर हामीले आवाज उठाउँदै आएको खत्रीले बताए ।

उनका अनुसार अनुसार निजी क्षेत्रलाई मात्र दोषी देखाएर कारबाही गर्ने र सरकारी निकायका कमजोरीलाई बेवास्ता गर्ने प्रवृत्तिले न त श्रमिकको हित सुनिश्चित हुन्छ, न त वैदेशिक रोजगार क्षेत्र नै व्यवस्थित बन्छ । हाम्रो प्रश्न यहाँ हो ।