मनोनित महामन्त्रीमा सुदनको दाबी, लम्साललाई उपसभापति बनाएर शाहलाई प्रमुख सल्लाहकार तान्दै बालेन

काठमाडौं: राष्ट्रिय स्वतन्त्र पार्टी (रास्वपा)को मनोनित पदाधिकारीतर्फबाट सुदन गुरुङ महामन्त्री र सुनिल लम्साललाई उपसभापति बन्ने लाइनमा छन् । यसका लागि गुरुङले पनि पार्टीभित्र लविङ र दबाब दुवै बढाएको राश्वपाकै एक नेताले जानकारी दिए ।

रास्वपाको विधानअनुसार १५८ सदस्यीय केन्द्रीय समिति रहन्छ, जसमा सभापतिसहित १८ पदाधिकारीमा ११ सदस्य मनोनीत हुन्छन् भने बाँकी निर्वाचित हुन्छन् ।

विधानको व्यवस्थाअनुसार सभापति रवि लामिछानेले मनोनयन गर्ने ५१ केन्द्रीय सदस्यमध्ये ३ प्रवासबाट छान्नुपर्नेछ । त्यस्तै, ११ जना पदाधिकारी मनोनयन गर्नुपर्नेछ । जसमा उपसभापति, महामन्त्री र सहमहामन्त्री मनोनयन गर्नुपर्ने हुन्छ ।

पार्टीभित्र आपसी सम्झदारी नहुँदा मनोनयन भएको छैन । राश्वपा स्रोतका अनुसार शुक्रबारभित्र बालेन र रविबिच सहमति भए ११ जना पदाधिकारी मनोनयन हुन्छ ।

राश्वपाकै एक नेताका अनुसार हाल गृहमन्त्री समेत रहेका सुदन गुरुङनै महामन्त्री पदमा मनोनयन गर्नुपर्ने दबाब बालेन र रविलाई दिइरहेका छन् । गुरुङले महामन्त्री मनोनयनका लागि पार्टीभित्र आफनो छुटै समूहसमेत निर्माण गरिरहेको ती नेताको दाबी छ ।

Image Source: © https://mulpatra.com

सुदनले पार्टीभित्र एउटा समूहनै गोप्य तरिकाले बनाएका छन् । आफनो बेग्लै समूह भनेर सुदनले महामन्त्रीका लागि दबाब दुवै नेतालाई दिइरहेको छ ।

साथै पुर्वाधारमन्त्री सुनिल लम्साललाई बालेन उपसभापति बनाएर भुपदेव शाहलाई प्रधानमन्त्री बालेनको प्रमुख सल्लाहकारमा लैजाने तयारी समेत भएरहेको छ । यसका लागि बालेनले आफुनिटक नेतासँग छलफल पनि गरिसकेका छ ।

पार्टीको निर्णयअनुसार दुवै नेताले अब पार्टीको संगठन विस्तार, नीति कार्यान्वयन र राजनीतिक गतिविधिमा महत्वपूर्ण भूमिका निर्वाह गर्ने भनिएपनि अहिले गुटगत रुपमा राश्वपा गएको छ ।

राष्ट्रिय स्वतन्त्र पार्टी (रास्वपा) ले जारी गरेको विधानमा ‘किर्ते’ गरिएको बालेनपक्षले आरोप लगाएको छ ।

चौथो संशोधनसहित सार्वजनिक विधानका कतिपय प्रावधानमा फाइनल ड्राफ्ट तहगत समितिबाट पास गरे पनि सार्वजनिक गर्ने क्रममा केही बुँदाहरू थप गरिएको प्रति बालेन पक्षले असन्तुष्ट छ ।

सोमबार पार्टीले सार्वजनिक गरेको विधानमा संसदीय दलको नेता फेर्न सक्ने दफा– ६८ र अन्य केही दफाका प्रावधानमा हेरफेर गरी ‘झेली’ गरिएको असन्तुष्ट पक्षको गुनासो बालेन पक्षको छ । ‘चितवनमै बसेको केन्द्रीय कमिटी बैठकमा पनि विधानको अन्तिम ड्राफ्टबारे छलफल भएको थियो । भाषागत हिसाबले केही शब्दमा तलमाथि हुन सक्छ भनिएको पनि बालेनलाई समस्या हुने गरी विधान आएको छ । जसका कारण बालेनपनि अहिले रविसँग संशकित छन् ।

रास्वपाले ३० वैशाखमा तत्कालीन सह–महामन्त्री विपिनकुमार आचार्यको संयोजकत्वमा विधान संशोधन समिति बनाएको थियो, जसमा डा. चन्दा कार्की, गणेश पराजुली, सुशान्त वैदिक र प्रकाशचन्द्र परियार सदस्य थिए ।

विधानको ड्राफ्ट र विधानमा खासै फेरबदल नभएको मितिका सदस्य परियारले जानकारी दिए । विगतमा भएको छलफलकै आधारित विधान भएको उनको भनाइ छ ।