खुल्यो अग्रिम टिकट बुकिङ

काठमाडौं । यातायात व्यवसायी र सरकारबीच भएको सहमती अनुसार आज देखि दशै लक्षित अग्रिम टिकट बुकिङ खुला भएको छ । देशभरिबाट संघिय राजधानी काठमाडौंमा अध्ययन गर्ने, बसोबास गर्ने, व्यापार व्यवसाय गर्ने सबैका लागि चाडपर्वमा सहज होस भनेर अग्रिम टिकट बुकिङ खुल्ला गरेको यातायात व्यवसायी महासंघले जनाएको छ ।

घटस्थापना आउन पाँच दिन बाँकी रहँदा सरकारले अग्रिम टिकट बुकिङ खुला गरेसँगै नयाँ बसपार्कमा टिकट लिन बिहानैदेखि यात्रुको भीड लागेको छ । शुक्रबारदेखि नै मुलुकको सङ्घीय राजधानी काठमाडौँसहित देशभर अविरल वर्षासमेत भएकाले बिहानैदेखि छाता ओढेर यात्रु टिकट काट्न लाइनमा बसेका छन् ।