सत्ता दुरुपयोग गरी अनुसन्धान गर्दापनि प्रसाईलाई फसाउन ओलीले प्रमाण नभेटेपछि अर्को विकल्प खोज्दै

काठमाडौं– तीनकुने घटनालाई जोडेर प्रधानमन्त्री केपी ओलीले नागरिक बचाउ महाअभियानका संयोजक दुर्गा प्रसाईलाई फसाउन सबै राज्यशक्ति प्रयोग गरेका छन् । ओलीले यति धेरै राज्यशक्तिको दुरुपयोग गर्दापनि प्रसाईलाई फसाउने आधार भेटेनन् । जसका कारण अहिले स्यंम प्रधानमन्त्री ओली तनाबमा छन् ।

ओलीले प्रसाईलाई तीनकुने घटनामा सिधै व्यक्तिगत इगो देखाए । उनको व्यक्तिगत इगोमा सरकारी वकिल र प्रहरीको प्रयोग गरे । ओलीले प्रसाईलाई २०८४ सम्म जेल हाल्ने गरी तीनकुने घटनामा मुद्दा लगाउन चाहेको प्रहरी नै बताउँछन् ।

गत चैत १५ गते तीनकुने घटनाको मुख्य योजनाकारका रुपमा प्रसाईलाई मुद्दा चलाउन ओलीले ठुलै शक्ति प्रयोग गरे । त्यति मात्र होइन । राजतन्त्रको पक्षमा गत १५ चैतमा काठमाडौंको तीनकुनेमा भएको प्रदर्शनलाई प्रसाईंले योजनाबद्ध रूपमा हिंसात्मक बनाएको प्रहरी निष्कर्ष छ । यसमा पनि प्रहरीले अदालतमा बलियो प्रमाण जुटाउन सकेनन् ।

तीनकुने घटनाका योजनाकारका रूपमा उनीमाथि अभियोजन गर्ने प्रहरी तयारी थियो । प्रदर्शन हिंसात्मक बन्दा दुईजनाको ज्यान जानुको साथै निजी तथा सरकारी भवन, कार्यालय तथा सवारीसाधनमा आगजनी र तोडफोड भएको थियो । यो विषयसँग सम्बन्धीत प्रसाई नभएको र प्रमाण नभेटाएपछि अहिले ओलीले उनीमाथि अरु विषयलाई जोडेर मुद्दा चलाउन प्रहरीसँगै सरकारी वकिललाई निर्देशन दिएको पाइएको थियो । तर कानुनका दुरुपयोग गरेर अनुसन्धान गर्दा सरकार निकायमाथि प्रश्न उठन थालेको छ । त्यही भएर ओलीको निर्देशन प्रहरी र सरकारी वकिल हिच्किचाउन थालेका छन् ।

प्रसाईलाई प्रहरीले संगठित अपराध र राज्यविरुद्धको कसुर मुद्दामा उनीमाथि अनुसन्धान अघि बढाएको छ । तर यही मुद्दामा प्रसाई कतैबाट दोषी नदेखिने सरकारी वकिलहरुले नै बताउँदै आएका छन् । यो मुद्दामा पनि सरकार कमजोर भएपछि ओलीकै निर्देशनमा प्रहरीले प्रसाईमाथि बैंकिङ कसुरसम्बन्धी मुद्दा अघि बढाइयो । तर यसमा पनि प्रसाईको दोष कतै भेटिएन । भने उनले पैसा दुरुपयोग गरेको भेटिएनन् ।

त्यसपछि प्रसाईलाई फसाउन ओलीले अर्को विकल्प खोज्न समेत सरकारी वकिल र प्रहरीलाई निर्देशन दिएको पाइन्छ ।
प्रहरीले गत चैत १५ गतेको तीनकुने घटनामा जोडेर प्रसाईलाई बैंकिङ कसुरसम्बन्धी मुद्दामा जोडेको छ । यो सबै गलत भएको अधिवक्ता स्वागत नेपालको तर्क छ । उनका अनुसार कर्जा स्वीकृति भएकै आधारमा प्रसाईले सबै बैंक तथा वित्तिय संस्थालाई कर्जा तिर्दै आएका छन् । तर एउटा घटनालाई बैंकिङ कसुरसम्बन्धी मुद्दामा जोडेर उनलाई दुख दिएको उनको आरोप छ ।

Image Source: © https://mulpatra.com

उनले लिएको ऋणको अहिले ब्याजसहित करिब ७ अर्ब पुगेको हल्ला बाहिर चलाइएको छ । तर प्रसाईले सञ्चालन गरेका व्यवसायको साँवा–ब्याज तिर्दै आएको उनीनिकट व्यवसायीहरु बताउँछन् । प्रसाईले भविष्यमा सञ्चालनमा ल्याउन लागेको तारे होटलमा लोन स्वीकृति गरेका कतिपय बैंकले अहिलेसम्म कर्जा नदिएपछि होटल सञ्चालनमा ल्याउन समस्या भइरहेको उनको परिवारले बताउँदै आएका छन् ।

अहिले प्रसाईको व्यवसाय उनको दिदी, छोरा–बुहारी र श्रीमतीले सञ्चाल गदै आएका छन् । प्रसाईले सबै आफनो व्यावसाय परिवारलाई जिम्मा लगाएका छन् । अहिले प्रसाई नागरिक बचाउ महाअभियानमा मात्र संलग्न छन् ।