उपत्यकावासीको घरदैलो कार्यक्रममा पुगेका राजावादी नेतालाई जनताले सोध्छन् ‘प्रसाई खोई र किन छुटे’

काठमाडौं– राजसंस्था पुनःस्थापनाका लागि संयुक्त जनआन्दोलन समितिले जेठ १५ गते सुरु हुने जनआन्दोलनको निम्तो दिन घरदैलो कार्यक्रम सुरु गरेको छ । तीन देखि दुई राप्रपा र राजावादीका केही नेताहरु घरदैलो कार्यक्रममा छन् ।

आन्दोलनमा काठमाडौंवासीको सक्रिय सहभागिताको लागि आग्रह गर्दै जमलबाट घरदैलो कार्यक्रम सुरु गरेको राप्रपाका प्रवक्ता मोहन श्रेष्ठले बताए । उनका अनुसार जेठ १५ गतेको आन्दोलनमा जनताले ठुलो सहभागिता हुन्छ ।

नेकपा एमालेको हिजोको सचिवालय बैठकले गणतन्त्र दिवसलाई देशभर उत्सवका रूपमा मनाउने निर्णय गरेको थियो ।

जेठ १५ गते राजावादीको आन्दोलनलाई समेत ध्यान दिएर एमालेले ‘काउन्टर’ प्रदर्शनको तयारी थालेको हो । जसका कारण जेठ १५ गते नेपालमा ठुलै भिड्न्त हुने सम्भावना समेत राजनीतिक बृत्तमा अनुमान समेत गर्न थालिएको छ ।

राजावादीहरू कुनै उद्देश्यको लागि नलडेका उनले प्रधानमन्त्री केपी ओली बताउँदै आएका छन् । केबल साना स्वार्थका लागि उनीहरू लडिरहेका ओलीले स्पष्ट पारे । ‘सरकार र जनता अलिकति मौन बसेकाले अनावश्यक फुर्तिफार्ति देखाएका छन्, एमाले मैदानमा उत्रिए पछि यिनीहरू कता कता जान्छन्’, उनले भने ।
ओलीले राजावादीको नाममा आतङ्क मच्चाउनेलाई कुनै स्थान नदिइने स्पष्ट पारे । तथाकथित राजावादीहरू, यी राजावादी साजावादी केही पनि होइनन्, यी खाओवादी भएको उनको आरोप थियो ।

हाम्रो राजा, हाम्रो देश प्राण भन्दा प्यारो छ भनेर नारा लगाउनेहरू नारायणहिटीमा वीरेन्द्र मारिँदा किन बाँचिरहेका भन्दै उनले प्रश्न गरे । ‘प्राणभन्दा प्यारो छ भने वीरेन्द्रलाई त्यत्रो हत्या गर्दा यिनीहरू कहाँ गएका थिए, किन मरेनन् त ?’, उनले प्रश्न गरे ।

Image Source: © https://mulpatra.com

गत चैत १५ गते काठमाडौँको तीनकुनेमा भएको हिंसात्मक घटनामा संलग्न रहेको अभियोगमा नागरिक बचाउ महाअभियानका संयोजक दुर्गा प्रसाई अहिले प्रहरी हिरासतमा छन् ।

उपत्यकामा राजावादी आन्दोलनका लागि सहयोग माग्दै पुगेका राजसंस्था पुनःस्थापनाका लागि संयुक्त जनआन्दोलन समितिका नेताहरुलाई जनताले दुर्गा प्रसाई खोई र उनी कहिले छुट्छन् भनेर जनताले प्रश्न गरेको राप्रपाका एक नेताले जानकारी दिए । उनीबिना राजावादी आन्दोलनमा जनताको सहभागिता नहुने प्रतिक्रिया समेत आउने गरेको ती नेताको दाबी छ । ‘राजावादी आन्दोलनमा प्रसाईको चासो र खोजी भइरहेको छ । अहिले राजसंस्था पुनःस्थापनाका लागि संयुक्त जनआन्दोलन समितिले महशुज गरेको छ ।’ उनले भने ।

प्रसाईकै कारण राजावादी आन्दोलन यो अवस्थामा आयो । तर समितिका नेताले उहाँलाई वाइपास गर्नु गलत भएको उनको भनाइ छ ।

प्रसाईसँगै ६१ जनाविरुद्ध मुद्दा दर्ता भएको छ। जिल्ला सरकारी वकिल कार्यालय काठमाडौँका प्रमुख रामहरि शर्मा पोखरेलका अनुसार राज्यविरुद्धको कसुरसमेतमा धवलशमशेर राणा र रवीन्द्र मिश्रंसहित ५० जनालाई प्रतिवादी बनाइएको छ । हाल राणा मिश्र जमानी हाजिरीेमा छन् ।