डंगोल र प्रमुख प्रशासकीय गुरागाईलाई कालो मोसो दल्ने हल्ला चलेपछि सशस्त्र प्रहरी पुग्यो कार्यालय

काठमाडौं महानगरपालिकामा जनप्रतिनिधिमाथि कालोमोसो दल्ने हल्ला चलेपछि सशस्त्र प्रहरी बल खटाइएको छ । उपमेयर डंगोल एक कार्यक्रममा सहभागी हुन विराटनगर गएकी छन् भने प्रशासकीय अधिकृतको मोवाइल अफ छ ।

शान्ति सुरक्षाको लागि भन्दै सशस्त्र प्रहरी खटाइएको हो । महानगरका प्रवक्ता नवीन मानन्धरले आफूले पनि कालोमोसो हल्ला सुनेको र सशस्त्र खटिएको जानकारी पाएको बताए ।

उपमेयर सुनिता डंगोल र प्रमुख प्रशासकीय अधिकृत सरोज गुरागाईंमाथि कालो मोसो दल्ने हल्ला फैलिएपछि कार्यालयमै सुरक्षाकर्मी खटाइएको हो । अफवाह कसले फैलायो भन्ने बारेमा महानगर नै अनविज्ञ रहेका छन् ।

तर महानगर सहायक प्रवक्ता नवराज ढकालले भने बाहिर आएको कुरा हल्ला भएको बताए । उनले भने, ‘काले मासो दल्ने हल्ला चलेर आएको भन्ने कुरा सत्य होइन । थर उहाँलाई कसले पठाएको हो जानकारी छैन । बुझ्ने काम भइरहेको छ ।’ उनका अनुसार उपमेयर र प्रशासकीय अधिकृत दुबै कार्यालयमा छैनन् ।

ढकालका अनुसार उनीहरु मेयर बालेन्द्र शाह बालेनसँग छलफलका लागि आएको र यतिकै अफवाह फैलिएको हो ।