प्रसाई छुट्ने चर्चासँगै उनका समर्थकको अदालत अगाडी भीड

काठमाडौं– नागरिक बचाउ महाअभियानका संयोजक दुर्गा प्रसाई छुट्ने चर्चा भएसँगै उनका समर्थक जिल्ला अदालत काठमाडौँ अगाडी भेला हुन् थालेका छन् ।

गत चैत १५ गते राजसंस्था पुनस्र्थापनाका लागि संयुक्त जनआन्दोलन समितिको आन्दोलनका क्रममा पक्राउ परेका प्रसाईको आज पनि थुनछेक बहस आज पनि जारी छ । उनी छुट्ने चर्चा भएसँगै उनका समर्थक अदालत अगाडी बेला भइरहेका छन् । हिजोदेखि प्रसाईका समर्थक अदालत अगाडी भेला भइरहेका छन् ।

तीनकुनेमा भएको राजावादी आन्दोलनका प्रतिवादीहरूको थुनछेक बहस आज पनि जारी छ ।

काठमाडौं जिल्ला अदालतमा प्रतिवादीहरूको बयान सकेर २० जेठदेखि थुनछेक बहस सुरु भएको थियो ।आज ९ औं दिन पनि थुनछेक बहस चलिरहेको हो ।

कर्तव्य ज्यान, ज्यान मार्ने उद्योग, संगठित अपराध, राजद्रोह र आपराधिक उपद्रवसम्मको मुद्दा ६१ जनालाई लगाइयो । तर यसमा भनेजस्तो प्रमाण प्रहरीसँग नभएको पनि स्रोतको भनाइ छ ।

न्यायाधीश ध्रुवराज कार्कीको इजलासमा भइरहेको थुनछेक बहसमा सरकारी वकिलले जवाफी बहस गरिरहेका छन् । ११ जेठमा दायर भएको मुद्दाको १८ दिन बित्दा पनि आदेश आउन सकेको छैन ।

Image Source: © https://mulpatra.com