इजरायलको इरानमाथि आक्रमणः मारिए आईआरजीसी प्रमुख, मध्यपूर्वको नयाँ संकट

आज, १३ जुन २०२५, इजरायलले इरानमाथि ठूलो सैन्य आक्रमण गरेको छ, जसले मध्यपूर्वमा नयाँ संकटको जन्म दिएको छ। यस आक्रमणलाई अम केलावी नाम दिइएको छ र यसमा इजरायली सेनाले इरानका आणविक सुविधा र उच्च सैन्य अधिकारीहरूलाई लक्षित गरेको छ।

इजरायलले तेहरान र नतन्जमा रहेका आणविक सुविधा र इरानी इस्लामिक रिवोल्युसनरी गार्डस कोप्र्सका प्र्रमुख हौसेन सलामी, प्रमुख जनरल, बाणविक वैज्ञानिक फरेदुन अब्बासी जस्ता उच्च अधिकारीहरुलाई लक्षित गरि सैन्य आक्रमण गरेको हो ।

इस्लामिक रिभोलुसनरी गार्ड्स को मुख्यालयलाई लक्षित गरिएको आक्रमणमा परि इरानी रिभ्युल्युस्नरी गार्ड (आईआरजीसी) प्रमुख हुसेन सलामीको मृत्यु भएको छ । इरानी मिडियाले सलामीको मृत्यु भएको पुष्टि गरेको छ । आक्रमण पछि तेहरानमा ठूलो विस्फोट र आगोका लप्काहरू देखिएका छन्। इजरायली सेनाले यसलाई आणविक हतियार निर्माण क्षमतामा भएको प्रगति विरुद्धको कारवाहीको रूपमा प्रस्तुत गरेको छ।

इरानमाथि भएको आक्रमणका बारे अमेरिकी प्रशासनले यस आक्रमणमा कुनै संलग्नता नदिएको जनाएको छ। तर, राष्ट्रपति डोनाल्ड ट्रम्पले इजरायलको सुरक्षा सुनिश्चित गर्नका लागि अमेरिकी सेनाको तयारीको कुरा गरेका छन्।

इरान र इजरायल विभ सुरु भएको द्धन्द्धले तेल मूल्यमा वृद्धि र स्टक बजारमा गिरावट ल्याएको छ। विश्लेषकहरूले यसलाई क्षेत्रीय अस्थिरता र सम्भावित विश्वव्यापी असरको संकेतको रूपमा हेरिरहेका छन्। यसले त्यहाँ मात्र होइन विश्व बजारमा तेलको मुल्य बढ्न सक्ने देखिएको छ ।

यता इरानले इजरायलको आक्रमणलाई आक्रामकता मान्दै प्रतिकार गर्ने चेतावनी दिएको छ। यसले क्षेत्रीय युद्धको संभावना बढाएको छ।

Image Source: © https://mulpatra.com

यस घटनाले मध्यपूर्वमा नयाँ संकटको जन्म दिएको छ र यसका दीर्घकालीन प्रभावहरूले विश्वलाई छुन्छ छुँदैन हेर्न भने समय लाग्ने छ ।