प्राधिकरणका कार्यकारी निर्देशक शाक्य अनुगमनमा पुग्दा चनौली केन्द्रका प्रमुख सम्र्पकविहिन

काठमाडौं– नेपाल विद्युत प्राधिकरणका कार्यकारी निर्देशक हितेन्द्रदेव शाक्य अनुगमनमा पुग्दा चनौली वितरण केन्द्रका प्रमुख राजकुमार श्रेष्ठ अनुपस्थित भएका छन् ।

सोमबार बिहान १० बजेतिर भरतपुर सबस्टेसन अनुगमनपछि शाक्य सवा ११ बजेतिर चनौली पुगेका थिए । चितवनमा विद्युत आपूर्तिमा समस्या आएपछि शाक्य सोमबार चितवन पुगेका थिए । त्यसक्रममा उनी चनौलीमा पुगे तर त्यहाँका प्रमुख श्रेष्ठ अनुपस्थित भए । तर, कार्यालय प्रमुख श्रेष्ठ भने त्यहाँ उपस्थित नभएको खुलेको छ ।

कार्यालयतर्फबाट भएका समस्या, विद्युत आपूर्तिको समस्याका बारेमा प्राधिकरण प्रमुखलाई ब्रिफिङ गर्नुपर्ने वितरण केन्द्रका प्रमुख श्रेष्ठ प्राधिकरण प्रमुख आउँदा दिनभरजसो नै आएनन् ।

शाक्य चितवनमा झण्डै ६ घण्टा रहे । तर, श्रेष्ठले भेटेनन् । भरतपुर पुगेका शाक्यलाई लोडसेडिङकै झल्को दिने गरी किन तालिका सार्वजनिक भयो भनेर सोध्दा गलत ढंगले दबाब दिएर तालिका सार्वजनिक गरिएको बताएका थिए ।