किष्ट अस्पतालमा गर्भवतीको मृत्यु प्रकरण: आफन्त आक्रोशित, अस्पताल प्रहरी घेरामा

काठमाडौं– ललितपुरको इमाडोलस्थित अस्पतालको लापर्वाहीले बिरामीको मृत्यु भएको भन्दै आफन्तले प्रदर्शन गरेपछि अस्पतालमा बाक्लो संख्यामा सुरक्षाकर्मी परिचालन भएका छन् । प्रहरीले अस्पताल घेरेर राखेको छ भने बाहिर ठूलो संख्यामा मृतकका आफन्त र परिवारका सदस्यहरू भेला भएका छन् ।

घटना ७ कात्तिकको हो । अस्पतालको लापर्वाहीले गर्भवती महिलाको ज्यान गएको आरोप आफन्तहरूको छ । अहिलेसम्म अस्पतालले संवादका लागि समेत नबोलाएको उनीहरूको भनाइ छ । आक्रोशित आफन्तहरूले हिजो अस्पतालमा सामान्य तोडफोडसमेत गरेका थिए ।