एक महिनामा के भयो नेपाली कांग्रेसको केन्द्रीय कार्यसमिति बैठकमा

काठमाडौँ । नेपाली कांग्रेसको केन्द्रीय कार्यसमिति बैठक सबैले धारणा राख्नेकाम सकिएको छ । असोज २८ बाट शुरु आफ्ना धारणा राख्न शुरु भएको बैठक कात्तिक २८ मा आएर सदस्य, पदाधिकारी सबैले बोली सकेका छन् ।

जेनजी आन्दोलन पछि विकसित राजनीतिक परिस्थिति र पार्टीको १५ औं महाधिवेशनका मा बैठक केन्द्रित भएको थियो । पार्टीका महामन्त्रीद्वय गगन थापा र विश्वप्रकाश शर्मा लगायतले उठाउँदै आएको महाधिवेशनको कार्यतालिकामा सहमति नहुने भए पछि विशेष महाधिवेशनका लागि ५४ प्रतिशत सदस्यहरुको हस्ताक्षर समेत बुझाइएको थियो ।

पुष महिनामा पार्टीको नियमित महाधिवेशन गर्ने कार्यतालिका प्रस्तुत गरेका महामन्त्री गगन थापाको प्रस्तावमा सहमति हुन नसके पछि बैठकमा विशेष महाधिवेशन गर्ने दबाबमा पार्टी रहेको छ ।

तर इतर समुह भने विशेष महाधिवेशनको प्रस्तावलाई पन्छाउँदै चुनावअघि महाधिवेशन गर्नु नहुने पक्षमा उभिएको छ । दुई पक्षको विवादले महाधिवेशनको टुंगो कहिले गर्ने भन्ने छलफलका लागि एक दिन समय खाली राखिएको महामन्त्री विश्वप्रकाश शर्माले जनाएका छन् ।

महाधिवेशन कहिले गर्ने भन्ने विवाद नमिल्ने देखिएपछि नेताहरूले मध्यमार्गी प्रस्ताव ल्याएर मिलाउन खोजीरहेको समेत शर्माले जनाएको छन् । एक महिना सम्म चलेको छलफलको निर्णयका लागि बैठक शनिबारका लागि बोलाइएको छ ।