प्रसाईको बदनाम गराउन चन्दा आंतकको अफवाह फैलाइयो, दुर्गाको परिवार बाहेकलाई भेट्न प्रहरीले लगायो रोक

काठमाडौं– शान्ति सुरक्षा भाँड्ने खालका अभिव्यक्ति दिएको आरोपमा हिरासतमा रहेका राष्ट्र, राष्ट्रियता, धर्म, संस्कृति र नागरिक बचाउ महाअभियान संयोजक दुर्गा प्रसाईंलाई प्रहरीले समर्थकसँग भेट्न रोक लगाएको छ । विहिवार देखिनै प्रहरीले प्रसाई बिरामी भन्दै समर्थक र आफन्तसँग भेट्न रोक लगाएको महाअभियानले जनाएको छ ।

प्रहरीले प्रसाईलाई हिरासतमा अमानविय व्यवहार गरेको र यसमा सबैभन्दा ठुलो हात गृहमन्त्री ओमप्रकाश अर्याल र प्रहरी प्रमुख दानबहादुर शाहीको रहेको महाअभियानको आरोप छ ।

अहिले प्रसाईलाई परिवारभन्दा बाहेक समर्थक भेट्न भद्रकाली उपत्यका प्रहरी परिसरमा गएर प्रहरी उहाँ बिरामी हुनुहुन्छ भन्दै फकाउने गरेका छन् । यो सरकारले अमानविय व्यवहार गरेको हो । अब मानव अधिकार आयोग र अन्य संस्थासँग कुराकानी गर्ने तयारी भइरहेको महाअभियानले जनाएको छ ।

प्रहरीका प्रवक्ता अविनारायण काफ्ले भने प्रसाईलाई उहाँका समर्थकलाई भेट्न दिएको र त्यस्तो केही कानुनी समस्या नभएको बताएका छन् । हिरासतमा रहेका व्यक्तिलाई भेट्न समयको दुर्गा प्रसाईलाई भेट्न बन्देज नभएको उनले मूलपत्रसँग बताए ।

शान्ति सुरक्षा भाँड्ने खालका अभिव्यक्ति दिएको आरोपमा हिरासतमा रहेका प्रसाईंको आन्दोलनका लागि चन्दा उठाइरहेको भ्रमक समाचार बाहिरिएको प्रति महाअभियानले आपत्ति जनाएको छ ।

राष्ट्र, राष्ट्रियता, धर्म, संस्कृति र नागरिक बचाउ महाअभियानका नाममा गतिविधि गरिरहेका प्रसाईंको नाम बैंकसँग चन्दा मागिरहेको हल्ला मात्र भएको महाअभियानले जनाएको छ । हामीले बैंकलाई मंसिर ७ गते आन्दोलनका दिन कार्यालय बन्द गरिदिन आग्रह गदै पत्रचार गरेको प्रसाई समर्थन नागरिक बचाउ महाअभियान दलका अध्यक्ष माधव कल्पितले जानकारी दिए ।

उनका अनुसार दुर्गा प्रसाईको नाम लिएर कसैले बैंक र अन्य संस्थासँग चन्दा मागेको प्रमाण भए हामी दिन म सम्बन्धीत पक्षलाई आग्रह गर्दछु । अहिले कहिले मिडियाले प्रसाईको बदमान गराउन र भिउज बढाउन चन्दा आंतकको समाचार लेखेको उनले बताए । ‘हामीले चन्दा कोहीसँग मागेका छनौं । हामीले मंसिर ७ गते बैंक एक दिनका लागि मिल्छ भने विदा गरिदिन आग्रह गदै पत्रकार गरेको हौं । तर अहिले भ्रम फैलाउने काम भइरहेको छ ।’ उनले भने ।

विभिन्न बैंक तथा वित्तीय संस्थाका प्रमुख कार्यकारी (सिइओ) हरूसँग पनि चन्दा मागेको खुलेको भन्दै समाचार आयो । तर कुन चाहि सिइओसँग चन्दा मागेको हो । त्यो प्रमाण पनि राख्नु भएको भए हामीलाई बुझन सजलो हुने उनको भनाइ छ ।

महाअभियानले बैंक तथा वित्तिय संस्थामा पठाएको विज्ञप्ती