मंसिर २२ मा दुर्गा प्रसाईलाई वार्ताका लागि प्रधानमन्त्रीको पत्र

काठमाडौं–नागरिक बचाउ महाअभियानका संयोजक दुर्गा प्रसाईलाई प्रधानमन्त्री सुशिला कार्कीले वार्ताका लागि पत्र पठाएकी छिन् । मंसिर १२ गतेका लागि कार्कीले प्रसाई वार्ताका लागि बोलाएको पत्रमा उल्लेख छ । गत साता प्रसाई र गृहमन्त्री ओमप्रकाश अर्यालबीच वार्ता भएको थियो ।

प्रसाईंले सरकारसँग औपचारिक वार्ताको मिति तय भएको हो । मंसिर २२ गते प्रधानमन्त्री सुशीला कार्कीसँग वार्ता गर्ने मिति तय भएको प्रधानमन्त्री कार्यालयले जनाएको छ ।

प्रधानमन्त्रीको तर्फबाट पनि मेरा मागहरू जनजीविकाका सवालमा महत्वपूर्ण छन् भन्ने सन्देश आएको छ । मेरो स्वास्थ्यमा केही समस्या देखिएकाले उपचार र विश्रामपछि २२ गते वार्तामा बस्ने सहमति हुने प्रसाईले बताउँर्दै आएका थिए ।

आफूले उठाएका मागहरू आफ्नो व्यक्तिगत नभई देश, जनता र सर्वहारा वर्गको भएको भन्दै प्रसाईंले यी माग पूरा नभए पुनः कडा आन्दोलन गर्ने चेतावनी दिदै आएका थिए । उनले प्रधानमन्त्रीको टेबलसम्म आफ्ना माग पुग्नुलाई सकारात्मक रूपमा लिएको बताए ।

प्रसाईं नेतृत्वको अभियानले विभिन्न २७ बुँदे माग राखी ७ मंसिरबाट अनिश्चितकालीन आन्दोलन घोषणा गरेको थियो । ६ मंसिरमा सरकारले अभियानसँग वार्ता गरेको थियो । सो वार्तापछि अभियानले १५ दिनका लागि आन्दोलन स्थगित गरेको थियो ।

१५ दिनभित्र सरकारले माग सम्बोधन गर्ने बताएपछि आफूहरूले आन्दोलन स्थगित गरेको आन्दोलनका नेताहरूको भनाइ थियो । अभियानले त्यसबेला सरकारसँग वार्ता गर्दा संयोजक प्रसाईं भने थुनामा थिए ।

Image Source: © https://mulpatra.com

सार्वजनिक शान्तिमा खलल पु¥याएको अभियोगमा प्रहरीले उनलाई पक्राउ गरेको थियो । पछि, अदालतको आदेशमा उनी धरौटीमा रिहा भए ।