प्रसाईको आरोप विदेशीको योजनाअनुसार बालेन–रविले हात मिलाए, विदेशीको खेल रोक्न हिन्दुराष्ट्र आवश्यकजनमत सङ्ग्रह नै ‘अन्तिम विकल्प’
काठमाडौं–रास्वपा सभापति रवि लामिछाने र काठमाडौंका मेयर बालेन साह आगामी राजनीतिक यात्रा सँगै गर्ने समझदारी नजिक पुगेका छन् ।
गएराति रास्वपा केन्द्रीय सदस्य असिम साहको म्युजिक कम्पनीको कार्यालय रहेको भवनमा बालेन र रवि लामिछानेबीच करिब ७ घण्टा वार्ता भएको थियो । वार्तापछि उनीहरु एउटै गाडीमा बाहिरिएका थिए ।
यस यात्राको क्रममा यसपटकको चुनावमा बालेनलाई भावी प्रधानमन्त्रीको रुपमा अघि बढाउन रवि सकारात्मक बनेको स्रोत बताउँछ । यसको खण्ड भने नागरिक बचाउ महाअभियानका संयोजक दुर्गा प्रसाईले गरेका छन् ।
उनले आफनो फेसबुकमा स्टाटस लेख्दै नेपालमा राजनीतिक र सत्तामा विदेशी खेलमा बढेको र अहिले रवि–बालेनको भेटघाट पनि विदेशीकै सुझावमा भएको बताएका छन् ।
 |
 |
 |
|---|
प्रसाईले आफनो स्टाटसमा नेपालमा विदेशीले चलखेल गरे व्यवसायी पलायन बाहिर पठाउने, यसको फाइदा केही व्यवसायी र मारवाडीले लिने चलखेल भइरहेको, हिजो राजनीतिक दलहरु पनि उनीहरुकै इसारामा चलेको आरोप लगाएका छन् ।
प्रसाईको स्टाट्स
प्रसाईको वैदिक सनातन हिन्दु धर्म, राजसंस्था, प्रदेश र प्रत्यक्ष कार्यकारीको विषयमा जनमत संग्रहका मागलाई प्रधानमन्त्री सुशिला कार्की नेतृत्वको सरकारले सकारात्मक रुपमा लिएको छ ।
Image Source: © https://mulpatra.com
अन्तरिम सरकारसँग विभिन्न बुँदामा मागहरु राखेको उल्लेख गर्नुहुँदै वैदिक सनातन हिन्दु धर्म, राजसंस्था, प्रदेश र प्रत्यक्ष कार्यकारीको विषयमा जनमत संग्रह जाने प्रसाईको मागलाई सरकारले एजेण्डभित्र राखेर १५ गते छलफल गदै छन् ।
उनले लडाइँ नचाहने हो भने जनमत सङ्ग्रह नै ‘अन्तिम विकल्प’ रहेको बताएका छन्। अन्तरिम सरकारले भ्रष्टाचारीलाई पनि कारबाही गर्न नसकेको र जेनजीको बलमा बनेको सरकारले जेनजीहरूलाई नै थुनिरहेको भनेर सरकारमाथि प्रश्न उठिरहेको छ । जेनजी विद्रोहीलाई थुन्न नहुने उनको भनाइ छ ।
प्रसाईंले भने, ‘हामीले किराँत बौद्धसहितको वैदिक सत्य सनातन हिन्दु धर्म, राजसंस्था र प्रदेश एवं प्रत्यक्ष कार्यकारीको विषयमा जनमत संग्रहमा जाऔँ भनेका छौँ। मेरो माग नेपाल टुक्राउँ भन्ने छैन । सरकारले माग पूरा गर्नेमा ६० प्रतिशत विश्वस्त छु। माग पूरा नभए आन्दोलन छँदैछ नि । चित्त नबुझ्नेले आन्दोलन गर्ने हो। यी माग पूरा भएनन् र चित्त बुझेन भने त आन्दोलन गर्छौं ।’ उनले भने ।
२३ र २४ गतेको आन्दोलन गर्नेहरूलाई थुन्न नहुने उनको माग छ । राष्ट्र जोगाउने भए सबैले आफूलाई साथ दिन पनि आह्वान गरे ।