जिल्ला तहको गरिबीदर करिब ५० प्रतिशत

काठमाडौं– जिल्ला तहको गरिबीको दर करिब ५० प्रतिशतसम्म रहेको एक अध्ययनमा भनिएको छ । ‘गरिबीको लघुक्षेत्र अनुमान २०८१’ को नतिजाले यस्तो देखाएको हो ।

शुक्रबार राष्ट्रिय तथ्याङ्क कार्यालयले सार्वजनिक गरेको गरिबीको लघुक्षेत्र अनुमान प्रतिवेदन अनुसार जिल्ला तहमा गरिबीको दर न्यूनतम ५.६३ प्रतिशत देखि अधिकतम ४९.५८ प्रतिशतसम्म रहेको छ ।

‘गरिबीको लघुक्षेत्र अनुमान २०८१’ को नतिजाले नेपालमा जिल्ला र स्थानीय तह अनुसार गरिबीको वितरणमा ठूलो असमानता रहेको देखाएको छ । स्थानीय तहको तथ्यांक हेर्दा गरिबीको दर १.१८ प्रतिशत देखि ७७.८९ प्रतिशतसम्म पुगेको छ ।

नेपालका ३४ वटा जिल्लामा गरिबीको दर राष्ट्रिय औसतभन्दा कम रहेको छ भने ४३ वटा जिल्लामा गरिबीको दर राष्ट्रिय अनुमानभन्दा धेरै देखिएको छ । ७५३ स्थानीय तहमध्ये ३०९ वटा स्थानीय तहमा गरिबीको दर राष्ट्रिय औसत प्रतिश२०.२७ प्रतिशतभन्दा कम पाइएको छ। तर, ४४४ वटा स्थानीय तहमा गरिबीको दर राष्ट्रिय अनुमानभन्दा धेरै रहेको छ।