स्वदेशमै सम्भावना छ, राज्यले नेपालमै बसेर गरिखाने नीति ल्याउनुपर्छ उमद्यी भुमिका दाहाल (भिडियो अन्तरर्वार्ता)

काठमाडौं– स्वदेशमै सम्भावना छ, समस्या सम्भावना नहुनु होइन—राज्यको नीतिगत इच्छाशक्ति र कार्यान्वयन कमजोर हुँदा दैनिक श्रम शक्ति विदेशीनु परेको उद्यमी तथा स्वरोजगार अभियान्ता भुमिका दाहाल बताउँछिन् ।

नेपालमै बसेर गरिखाने वातावरण बनाउन राज्यले कम्तीमा नीतिगत सुधार गर्नुपर्ने उनको माग छ । ुवा–उद्यममैत्री व्यवस्था।, बिना धितो÷कम ब्याज ऋण र स्टार्टअपका लागि कर छुटजस्ता विषयमा ध्यान दिनुपर्ने उनले बताइन् । ‘उत्पादनमुखी नीति, सीप अनुसार काम जोड्ने, कच्चा पदार्थ होइन, प्रोसेसिङ र मूल्यवृद्धिमा लगानी, कृषि, पशुपालन, जडीबुटी, पर्यटन र साना उद्योगलाई प्राथमिकतामा राखेर योजना बनाउनुपर्छ ।’ उनले भनिन ।

स्वदेशमै रोजगारी सिर्जना गर्ने उद्योग क्षेत्र, फर्किएका युवाको सीप उपयोग गर्ने कार्यक्रम र ठेक्का, सप्लाइ र सेवा क्षेत्रमा नेपालीलाई प्राथमिकता राखे रोजगारी सिर्जना गर्न सहज हुने उनको भनाइ छ ।

उनले स्पष्ट नीति र कानुनी सुरक्षा, भरपर्दो पूर्वाधार (विद्युत्, सडक, इन्टरनेट), सीप, तालिम र मेन्टरशिप, सहुलियत ऋण र लगानी पहुँच, सरल दर्ता र एकद्वार सेवा, बजार पहुँच र ब्रान्डिङ सहयोग, प्रविधि र नवप्रवर्तन सहयोग, कर छुट र सुरुआती संरक्षण, भ्रष्टाचाररहित, पारदर्शी प्रणाली र असफल भए पनि पुनः उठ्न सक्ने वातावरण सरकारले बनाउनुपर्ने उनको सुझाव छ ।

उनीसँग गरिएको भिडियो अन्तरर्वार्ता