ईपीएस अन्तर्गत कृषि र पशुपालन क्षेत्रको भाषा परीक्षा फागुन–३ देखि सञ्चालन हुँदै

काठमाडौं– रोजगार अनुमति प्रणाली (ईपीएस) अन्तर्गतको कृषि तथा पशुपालन क्षेत्रको भाषा परीक्षा फागुन ३ गतेदेखि सञ्चालन गर्ने भएको छ ।

मानव संशाधन बोर्ड (एचआरडी) कोरियाले उत्पादनमूलक क्षेत्रको परीक्षा सम्पन्न भए लगत्तै कृषि तथा पशुपालन क्षेत्रको परीक्षा मिति तय गरेको ईपीएस शाखाले जनाएको छ । आगामी चुनावका कारण फागुन १७ देखि २६ सम्म परीक्षा नहुने गरी तालिका निर्धारण गरिएको शाखाको भनाइ छ ।

सन् २०२५ का लागि उत्पादनमूूलक र कृषि तथा पशुपालन क्षेत्रका लागि ५ हजार कोटाका लागि आवेदन खुलेपनि १ लाख ३८ हजारभन्दा बढीको भाषा परीक्षाको आवेदन परेको शाखाको तथ्यांकमा छ । प

छिल्लो समय कोरियाले नेपालबाट थोरै संख्यामा नेपाली कामदार लैजाने योजना बनाए पनि परीक्षार्थीको संख्या लाखौँ रहेकाक कारण पनि परिक्षा सञ्चालनमा समस्या भइरहेको छ ।

त्पादनमूूलक क्षेत्रका लागि ३ हजार ५ सय र कृषि तथा पशुपालन क्षेत्रका लागि १ हजार ८ सय छनोट गर्ने गरी परीक्षा सञ्चालन गरिएको छ ।

नेपालका लागि भाषा परीक्षा गराउने गरी अनौपचारिक मिति तय गरेर सूचना दिएको भए पनि नेपालको अवस्थाका कारण परीक्षा केहीपछि सरेको थियो । शाखाका अनुसार परीक्षार्थी धेरै र समय पनि छोटो भएका कारण चुनावबीचमा नै परीक्षा सञ्चालन गरिन लागेको हो ।

Image Source: © https://mulpatra.com

पछिल्लो समय कोरियाले अन्य १७ ईपीएस सदस्य राष्ट्रमध्ये नेपालबाट सबैभन्दा धेरै नेपाली कामदार माग गर्दै आएको छ । सन २०२४ मा मात्र १४ हजार ४९२ नेपाली युवा कोरिया प्रवेश गरेका थिए भने सन २०२५ मा ११ हजारभन्दा बढी कोरिया गएका थिए ।

यो संख्या कोरिया प्रवेश गर्ने औषत नेपाली संख्याभन्दा ६ हजार बढी हो । कोरियाले पछिल्लो समय नेपाली युवालाई प्राथमिकतामा राखेर छनोट गरिरहेका कारण गत वर्ष मात्र नभई यो वर्ष ठूलो संख्यामा युवा कोरिया प्रवेश गरिसकेका छन् ।

ईपीएस शाखाले अन्य देशको तुलनामा नेपालबाट कामदार माग संख्या बढ्दै गएको जनाउँदै आएको छ । एचआरडी कोरियाले केही महिनायता त्यहाँ जाने युवाको उडान तालिका पठाई रहेका कारण त्यहाँ जाने संख्या अझ बढने अनुमान छ ।

सेवा सुविधाका दृष्टिकोणले कोरिया आर्कषक श्रम गन्तब्य रहदैँ आएकाले त्यहाँ जाने नेपालीको संख्याले रेमिटेन्स वृद्धिमा ठूूलो भूमिका खेल्ने गरेको छ ।