फेरी सुनको भाउ निरन्तर उकालो लाग्यो

काठमाडौं– केही दिनयता सुनको भाउ निरन्तर उकालो लागेको छ । ६ दिनमै प्रतितोला १४ हजार ४ सय रुपैयाँ मूल्य बढेको छ ।

गत बुधबार प्रतितोला ३ लाख ४ सय रुपैयाँ रहेको सुनको भाउ आज मंगलबार ३ लाख १४ हजार ८ सय रुपैयाँ पुगेको छ । अघिल्लो दिनको तुलनामा आज सुन १ हजार ३ सय रुपैयाँ बढेको हो । अघिल्लो दिन ३ लाख १३ हजार ५ सय रुपैयाँमा कारोबार भएको थियो ।

माघ १५ गते हालसम्मकै उच्च प्रतितोला ३ लाख ३९ हजार रुपैयाँ पुगेको सुन त्यसयता केही घटेको थियो । पछिल्ला ६ दिनदेखि सुनको भाउ उकालो लागेको हो ।

चाँदी आज तोलामा १० रुपैयाँ घटेको छ । अघिल्लो दिन प्रतितोला ५ हजार ५९५ रुपैयाँ रहेको चाँदी यस दिन ५ हजार ५८५ रुपैयाँमा कायम भएको छ । ६ दिनमा चाँदी प्रतितोला ७०५ रुपैयाँले बढेको छ । गत बुधबार चाँदी प्रतितोला ४ हजार ८८० रुपैयाँमा कारोबार भएको थियो ।