राजदूत–श्रम सचिवलाई साक्षी राखेर आयोजना गरिएको जापान रोजगार मेला कतै सिण्डिकेटकै सेटिङ त होइन ?

काठमाडौं– जापानबीच कूटनीतिक सम्बन्ध स्थापनाको ७० औं वार्षिकोत्सवको रोजगार सम्मेलन आयोगन गरियो । रोजगार सम्मेलन समय सन्दर्भका दृष्टिकोणले समेत लाभदाय भएको आयोजकको दाबी छ ।

नेपाली कामदार इमान्दार र परिश्रमी रहेकाले ल्याउन खोजेको जापानको रोजगारदाता संघका निर्देशक तेत्सुहितो सुगिमुराको आफनो भनाइ मेलामा राखेका थिए । उनले पारदर्शी बनाउन र इच्छुक नेपाली श्रमिकलाई जापानी श्रमिकसरह सहयोग गर्न तयार रहेको प्रतिबद्धता समेत जनाए ।

उनलाई के थाहा यो रोजगार मेला आयोजना गर्नु पछाडी एउटा स्वार्थ समुह छ भन्ने । यो मेलाका वैदेशिक रोगजगार व्यवसायी संघका पूर्वअध्यक्ष प्रेमबहादुर कटुवाल मेलाका सहसंयोजक थिए ।

सम्मेलनमा श्रम, रोजगार तथा सामाजिक सुरक्षा मन्त्रालयका सचिव डा. दीपक काफ्ले, जापानका लागि नेपाली कार्यवाहक राजदूत हरिहरकान्त पौडेल, वैदेशिक रोजगार व्यवसायी र जापानी न्यायमन्त्रीको साइडलाइन छलफल समेत भयो । यता संघ अध्यक्ष भुवन गुरुङ भने जापानको रोजगारीमा सिण्डिकेट खडा गर्न खोजेका कारण भिसा नै पाएनन् ।

जापानी न्याय मन्त्रालयले विदेशी कामदारको आवागमन जोडिएको अध्यागमन नियन्त्रण, आप्रवासन र नागरिकता, भिसा प्रदान, निर्वासन र शरणार्थी मान्यता ह्यान्डल र अध्यागमन सेवा एजेन्सीहरूको निरीक्षण गर्ने गर्दछ । तर नेपालमा भने यस्तो हुँदैन ।

जापान रोजगारीमा जाने कामदारले कम्तिमा १५ लाख खर्चिनुपर्छ । मेलामा भेट भएको बेला नेपाली व्यवसायीले यो समस्या कतै सुनाएनन् । यसको अर्थ अहिले जापान रोजगारीमा जाने कामदारमा कतैबाट सिण्डिकेट भित्र्याउने खेलमा संघका पूर्वअध्यक्ष तथा मेलाका सहसंयोजक कुटवाल रहेको शंका व्यवसायीले नै गरिरहेका छन् ।

Image Source: © https://mulpatra.com

हाल जापानले १९ वटा क्षेत्रमा विदेशी कामदार ।रोजगारीमा लिइरहेको छ । जापानी रोजगारदाताहरूले विदेशी कामदारको जापानी भाषा र सीपलाई अत्यन्तै प्राथमिकतामा राख्ने गरेको श्रम सविच दिपक काफ्ले समेत बताउँदै आएका छन् । तर हाल जापानमा कार्यरत कामदारको बिजोक भएको न उनले देखेका छन् । न स्यंम राजदूतले नै देखेका छन् ।

पूर्वअध्यक्ष कटुवालले रोजगार सम्मेलनले आगामी १० वर्षका लागि जापानी श्रम बजारमा नेपाली कामदारका लागि अवसरको ढोका खोलेको दाबी गरे छन् । उनैको टिमले अहिले श्रम मन्त्री राजेन्द्र सिंह भण्डारीलाई बोकेर जापान लगायत अन्य देशको रोजगारीमा सिण्डिकेटका प्रयास गरिरहेको छ । यस विषयमा भने उनी केही बोलेनन् ।

व्यवसायीहरूले जापानी स्ट्यान्डर्ड अनुसार आफ्नो दक्षता बढाउन जरुरी भएको उनले बोलिरहेका छन् । यो सही हो तर हालै मात्र उनैले एउटा तालिम केन्द्र खोलेका छन् । त्यसका लागि व्यवसायीहरूले जापानी स्ट्यान्डर्ड अनुसार आफ्नो दक्षता बढाउन जरुरी भएको भाषा बोलेको अन्य व्यवसायीको अनुमान छ ।

विगतमा ठगि मुद्दामा जेल समेत परेको उनले अहिले जापानको रोजगारीमा सिण्डिकेटको सेटिङका लागि मेलाको फाइदा लिने खोजेको आशंका छ ।