बालेनसहित ५० हजारमाथि मत ल्याएर जित्ने राश्वपाका युवा उम्मेदवार
काठमाडौं– प्रतिनिधिसभा निर्वाचनमा झापा–५ बाट विजयी राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह ‘बालेन’ सबैभन्दा बढी मत ल्याएर विजयी हुने उम्मेदवार बनेका छन् । उनले कुल १ लाख ६ हजार ५६८ मतमध्ये ६८ हजार ३४८ मत पाए ।
जुन देशभरका उम्मेदवारले पाएको मतमा सबैभन्दा बढी मत हो । साथै, बालेनले निकटतम प्रतिद्वन्द्वीसँगको मतान्तर पनि सबैभन्दा बढी बनाएका छन् ।
झापा–५ मा बालेनका निकटतम प्रतिद्वन्द्वी बनेका एमाले अध्यक्ष केपी शर्मा ओलीले १८ हजार ७३४ मत पाएका थिए । जुन बालेनले पाएको मतभन्दा ४९ हजार ६१४ कम हो ।
 |
 |
 |
|---|
बालेन सबैभन्दा बढी मत ल्याएर विजयी हुँदै गर्दा रास्वपाबाट झापा–२ मा इन्दिरा रानामगर पनि सबैभन्दा बढी मत ल्याउने दोस्रो उम्मेदवार बनिन् । उनी ६० हजार ११० मत ल्याएर विजयी भइन् ।
यसैगरी, चितवन–३ बाट विजयी सोविता गौतम सबैभन्दा बढी मत ल्याउने तेस्रो उम्मेदवार बनेकी छिन् । उनले ५९ हजार २७७ मत पाएकी छिन् ।
रुपन्देही–३ मा रास्वपाबाटै उम्मेदवार बनेका डा. लेखजंग थापाले ५८ हजार ८१४ मत पाएका छन् । चितवन–१ मा हरि ढकाल पनि ५८ हजार २०८ मत ल्याउँदै विजयी भएका छन् ।
Image Source: © https://mulpatra.com
यसैगरी, रुपन्देही–२ बाट रास्वपाकै सुलभ खरेल ५६ हजार ५५० मत ल्याउँदै विजयी भएका छन् ।
यता, मोरङ–६ मा रास्वपाबाटै उम्मेदवार बनेकी रुबिना आचार्यले ५५ हजार ५१३ मत ल्याउँदै विजयी भइन् । रुपन्देही–१ मा रास्वपाकै सुनिल लम्साल ५४ हजार ८४५ मत ल्याउँदै विजयी भए ।
चितवन–२ बाट उम्मेदवार बनेका रास्वपा सभापति रवि लामिछानेले पनि ५४ हजार ४०२ मत ल्याउँदै विजयी भए । उनी रास्वपाबाट सबैभन्दा बढी मत ल्याएर विजयी हुनेमा ९ नम्बरमा छन् ।
यसैगरी, काभ्रे–२ मा रास्वपाबाटै उम्मेदवार बनेका बदनकुमार भण्डारीले ५३ हजार ३४४ मत पाएका छन् ।
यता, नवलपुर–१ मा राजन गौतम ५० हजार ९४५ मत विजयी भएका छन्
Image Source:
- Prabhu Mahalaxmi Life Insurance GIF: © https://mulpatra.com