आज र भोली वर्षासँगै हावाहुरी चल्ने सम्भावना

काठमाण्डौ । यो साताको अन्तिममा हल्कादेखि मध्यम वर्षा र हावाहुरी चल्ने सम्भावना देखिएको छ ।
जल तथा मौसम विज्ञान विभागले आगामी शुक्रबार र शनिबार पश्चिमी वायु सक्रिय भएर हल्कादेखि मध्यम वर्षा र हावाहुरी हुने प्रक्षेपण गरेको हो ।

साथै विभागका अनुसार पश्चिमी वायु सक्रिय हुँदा हावाहुरी, मेघगर्जनसहित हल्कादेखि मध्यम खालको वर्षा हुने प्रक्षेपण गरेको हो ।

मौसम पूर्वानुमानका विभिन्न मोडेलहरुले अहिलको प्रणालीको प्रभावले पूर्वदेखि पश्चिमसम्मै वर्षा हुने सम्भावना देखाएका छन् । तर पूर्वी नेपालमा बढी र पश्चिम नेपालमा कम प्रभाव पर्ने सम्भावना छ ।