सरकारको विरोधमा देशभर प्रदर्शनमा उत्रियो एमाले
काठमाडौं । काठमाडौंको माइतीघर–बबरमहल क्षेत्रमा नेकपा एमालेका कार्यकर्ता प्रदर्शनमा उत्रिएपछि रोक्न खोजेको प्रहरी र प्रदर्शनमा उत्रिएका नेकपा एमालेका कार्यकर्ताबीच झडप भएको छ ।
झडप उग्र बन्दै जान थालेपछि प्रहरीले लाठीचार्ज समेत गरेको छ । एमाले अध्यक्ष केपी शर्मा ओलीलाई रिहा गर्न माग गर्दै एमाले कार्यकर्ताहरूले काठमाडौंको बबरमहलमा प्रदर्शन गरेको छ। केही प्रदर्शनकारी समेत घाइते भएका छन् ।
शनिबार दिउँसो तीन बजेपछि माइतीघर क्षेत्रमा भेला भएका एमाले नेता कार्यकर्ताहरू नाराबाजी गर्दै बबरमहलतर्फ अघि बढेका थिए। बबरमहलको मूल सडकमै प्रदर्शनकारीहरूले टायर बालेका थिए।
 |
 |
 |
|---|
उता ओलीको गृह जिल्ला झापामा समेत नेकपा एमालेका कार्यकर्ता सडकमा उत्रिएका छन् । कार्यकर्ताले बिर्तामोडको मुक्तिचोकमा सरकारको रवैयाविरुद्ध विरोध प्रदर्शन गरेका हुन् ।
गैरकानुनी र प्रतिशोधपूर्ण पक्राउको विरोधमा एमाले नेता कार्यकर्ताहरुले पार्टी कार्यालयदेखि मुक्तिचोकसम्म ¥याली गर्दै विरोध जनाएका हुन् ।
उता अपराह्न पोखरामा पनि एमाले कार्यकर्ताहरू ओलीको रिहाइ माग गर्दै सडकमा निस्किएका छन् ।
Image Source: © https://mulpatra.com
मकवानपुरको हेटौंडामा पनि नेकपा एमालेका कार्यकर्ताहरू प्रदर्शनमा उत्रिएका छन् ।
काठमाडौंमा प्रदर्शनकारीलाई रोक्न खोजेपछि एउटा निजी गाडीको सिसा पनि फुटाएका छन्। बबरमहलबाट प्रदर्शनकारीको एक समूह सिंहदरबारको दक्षिण गेटतिर लागेको थियो त्यहाँ समेत प्रहरीले लाडी चार्ज गरेको छ ।
एमाले अध्यक्ष केपी शर्मा ओली पक्राउको विरोधमा एमालेले देशभर प्रदर्शनको तयारी गरेको छ ।
Image Source:
- Prabhu Mahalaxmi Life Insurance GIF: © https://mulpatra.com