काठमाडौंमा सुरु भयो रात्रिकालीन बस सेवा

काठमाडौं । नव बर्षको अवसर पारेर काठमाडौंमा आज देखि रात्रिकालीन बस सेवा सञ्चालन हुँने भएको छ । काठमाडौं महानगरपालिका र साझा यातायातको सहकार्यमा रात्रिकालीन विद्युतीय बस सेवा सुरु गर्न लागेको हो ।

रात्रिकालीन यातायात दुई रुटमा सन्चालन हुनेछ । बूढानीलकण्ठदेखि ललितपुरको लगनखेलसम्म र त्रिभुवन अन्तर्राष्ट्रिय विमानस्थलदेखि थानकोटसम्म सेवा सञ्चालन गर्न लागिएको हो । सर्वसाधारणको सुविधालाई मध्यनजर गर्दै सन्चालन गर्न लागिएको रात्रिकालीन बस राति ८ देखि ११ बजेसम्म सञ्चालन हुनेछ ।

यात्रु तथा चालकको सुरक्षाका लागि सीसीटीभीमार्फत् निगरानी गरिनेछ भने प्रत्येक बसमा एकजना नगरप्रहरीको उपस्थिति रहने जनाइएको छ ।

लगनखेलबाट पाटन अस्पताल, अल्का अस्पताल, नर्भिक अस्पताल तथा प्रसूति गृह, नेसनल ट्रमा सेन्टर तथा वीर अस्पताल, कान्ति तथा शिक्षण अस्पताल, गंगालाल हृदय केन्द्र हुँदै बूढानीलकण्ठसम्मको एउटा रुट रहने छ । भने थानकोटदेखि त्रिभुवन अन्तर्राष्ट्रिय विमानस्थलसम्म अर्को रुट सञ्चालन गर्न लागेको छ ।