कांग्रेस केन्द्रीय कार्यसम्पादन समितिको बैठक बस्दै संसदीय दलको नेता चयनमा छलफल हुने

काठमाडौँ । नेपाली कांग्रेसलेको केन्द्रीय कार्यसम्पादन समिति बैठक बोलाइएको छ । बैठकमा कांग्रेसको संसदीय दलको नेता सहमतिको आधारमा चयन गर्ने बारे छलफल हुने जनाइएको छ ।

भोली सोमबारका लागि बोलाईको कार्यसम्पादन समितिको बैठक लगत्तै संसदीय दलको बैठक पनि बोलाइएको छ।
यस अघि नै संसदीय दलको नेता चयन गर्ने गरि निर्वाचन कार्यतालिका सार्वजनिक गर्दै अन्तिम नामावली समेत सार्वजनिक गरिएको थियो । तर अन्तिम अवस्थामा मतदात प्रक्रियालाई रोक्दै सहमतिमा दलको नेता चयन गर्ने भन्दै निर्वाचन प्रक्रिया रोकिएको थियो ।

नेपाली कांग्रेसमा प्रत्यक्षतर्फ जितेका १८ र समानुपातिक प्रणालीबाट सांसद भएका २० गरी ३८ सांसद छन् । काग्रेस संसदीय दलको नेतामा भीष्मराज आङ्देम्बे, अर्जुननरसिंह केसी र मोहन आचार्यले दावी गरिरहेका छन् ।

केसी र आङदेम्बे कांग्रेसका पूर्वसहमहामन्त्री भएका थिए भने आङ्देम्बे दोस्रो संविधानसभा निर्वाचनबाट सभासद् भएका थिए । १४ औं महाधिवेशनमा केन्द्रीय सदस्य रहेका आचार्य विशेष महाधिवेशनबाट पनि केन्द्रीय सदस्य भएका छन् ।

संसदमा दोश्रो ठुलो दल भएका कारण सरकारमा प्रमुख प्रतिपक्षको भुमिकामा कांग्रेस रहन्छ । संवैधानिक परिषद लगायत विभिन्न स्थानमा प्रमुख प्रतिपक्षको नेता महत्वपूर्ण हुने हुँदा कांग्रेसमा नेता चयनमा सकस रहेको देखिन्छ । खास गरि पार्टी उपसभापति विश्व प्रकाश शर्माले आङ्देम्बे र पार्टी सभापति गगन थापाले केसीलाई दलको नेता चयन गर्न लागिरहेका छन् ।