कांग्रेसकै क्रियाशिल सदस्य नभएका थापा कसरी बन्ने लोकतान्त्रिक व्यवसायी संघको अध्यक्ष

काठमाडौं–नेपाल लोकतान्त्रिक वैदेशिक रोजगार व्यवसायी संघका अध्यक्ष दिपक थापामाथि नेपाली कांग्रेस कै क्रियाशील सदस्य नरहेको आरोप सार्वजनिक भएको छ ।

गत वैशाख ९ वैदेशिक रोजगार व्यवसाय संघमा बसेको बैंठकमा नेपाली कांग्रेसको शुभेच्छुक म्यानपावर व्यवसायी तथा पुर्वअध्यक्ष बिमल ढकालले थापाको कांग्रेसको क्रियाशिल सदस्य नभएको आरोप लगाए ।

ढकालले थापानै उपस्थीति उक्त बैंठकमा पार्टी क्रियाशिल सदस्यता देखाउन पटक–पटक चेतावनी समेत दिए । ढकाल कांग्रेसका मनोनित सदस्य समेत हुन् ।

नेपाली कांग्रेसको शुभेच्छुक संस्था नेपाल लोकतान्त्रिक वैदेशिक रोजगार व्यवसायी संघको अध्यक्षमा २०८१ सालमा आएका थिए । यस संघमा पार्टीकै क्रियाशिल सदस्यता नभएपनि अध्यक्ष कसरी भए भनेर प्रश्नपनि नेपाली कांग्रेसको शुभेच्छुक संस्थामै उठ्न थालेको छ ।

थापाले भने आफु नेपाल लोकतान्त्रिक वैदेशिक रोजगार व्यवसायी संघका अध्यक्ष पार्टीकै क्रियाशिल सदस्य भएर भएको र विगतदेखि नै आफु कांग्रेसनिटक व्यवसायी नै भएर संघमा काम गदै आएको समेत स्पष्टीकरण दिए ।

उनले खोई आफुमाथि त्यो प्रश्न नि उठ्यो र यसका पछाडी बदनामसँगै नेपाल लोकतान्त्रिक वैदेशिक रोजगार व्यवसायी संघमा समस्या सिर्जना गर्न खोजिएको बताए । उक्त आरोप सार्वजनिक भएसँगै राजनीतिक तथा वैदेशिक रोजगार क्षेत्रभित्र विभिन्न प्रतिक्रिया देखिन थालेका छन् ।

Image Source: © https://mulpatra.com

उनै थापाले वैदेशिक रोजगार व्यवसाय संघका अध्यक्ष भुवनसिहं गुरुङलाई जोगाउन पैसा बाँडेको र केही संघकै सदस्यलाई डिमाण्डको प्रलोभन दिएको आरोप समेत व्यवसायीको छ । जसका कारण संघका अध्यक्ष गुरुले आफनो पद जोगाएका थिए ।

विशेषगरी, कांग्रेससँग आवद्ध शुभेच्छुक संस्थाको नेतृत्व गरिरहेका व्यक्तिको पार्टीकै औपचारिक सदस्यता नभएको भनाइले संगठनको वैधता र आन्तरिक प्रक्रिया माथि प्रश्न उठाएको छ ।

यद्यपि, यस विषयमा हालसम्म आधिकारिक पुष्टि भने भएको छैन। दिपक थापाको पक्षबाट स्पष्ट धारणा सार्वजनिक हुन बाँकी छ भने नेपाली कांग्रेसको आधिकारिक अभिलेख वा सम्बन्धित निकायबाट पनि औपचारिक प्रतिक्रिया आइसकेको छैन ।