अनलाइनबाटै मागपत्र प्रमाणिकरणमा महिना दिन दुख दिदै कुवेतकी कन्सुलर सुजनी, समस्यालाई दाम जोड्दै

कुवेतकी कन्सुलर सुजनी रानाले डिमाण्ड प्रमाणिकरणमा महिनौँसम्म ढिलाइ गर्दा वैदेशिक रोजगार व्यवसायी र कामदार दुवै मारमा परेका छन् ।

उनले रोजगारता कम्पनीले मागपत्र सम्बन्धी इमेल गरेपनि महिना दिनसम्म दुख दिने गरेकी छिन् । जसका कारण रोजगारदाता कम्पनीले पनि प्रक्रियामा झन्झट मान्न थालेको रोजगार व्यवसायीको गुनासो छ ।

व्यवसायीहरूले समयमै डिमाण्ड प्रमाणिकरण नहुँदा कामदार पठाउने प्रक्रियामै ढिलाई र खर्च बढ्ने समेत बताएका छन् ।

वैदेशिक रोजगारी क्षेत्रसँग सम्बन्धित डिमाण्ड प्रमाणिकरण प्रक्रिया छिटो, डिजिटल र व्यवस्थितका अनलाइन प्रणाली छ । तर अनलाइनमार्फत काम गर्दा समेत महिनादिन लाग्ने गरेको कयौं गुनासो मूलपत्र डटमा म्यानपावर व्यवसायीले गर्दै आएका छन् ।

गत अप्रिल पहिलो साता एक म्यानपावर कम्पनीले एप्लाई गरेको मागपत्र प्रमाणिकरणको काम अहिलेसम्म प्रमाणिकरण भएको छैन ।

म्यानपावर व्यवसायीले सबै प्रक्रिया पुरा गरेर रोजगारदाता कम्पनीकै इमेल पेस गर्दा समेत रानाले काम गरेको झन्झट सिर्जना गरेको ती व्यवसायीको आरोप छ ।

Image Source: © https://mulpatra.com

ती व्यवसायीले मात्र होइन । अन्य व्यवसायीले समेत कन्सुलर सुजनीविरुद्ध दूतावास र परराष्ट्र मन्त्रालयमा मौखिक उजुरी गदै आएका छन् । तर उनले कामभन्दा समस्यालाई फाइदाका रुपमा लिएर दामसँग जोड्ने गरेको व्यवसायीको आरोप छ ।

सरकारले कुटनीति नियोग अथवा मागपत्र प्रमाणिकरणको काम समेत अनलाइनमार्फत गर्ने भएका कारण ढिलो नहुने गरेको युवा, श्रम तथा रोजगार मन्त्रालयका प्रवक्ता पिताम्बर घिमिरेले जानकारी दिए । केही प्रविधिक समस्या भए मात्र काम रोकिने नत्र काम भइरहेको बताउँदै मागपत्र प्रमाणिकरण रोकिएको विषयमा अध्ययन गर्ने जानकारी दिए ।

म्यानपावर व्यवसायीका अनुसार दूतावासमा पेश भएका फाइल लामो समय रोकिँदा कामदारको उडान प्रभावित हुनुका साथै रोजगारदाता कम्पनीसँगको सम्बन्धसमेत बिग्रिने अवस्था आएको छ ।
व्यवसायीहरूले पारदर्शी र समयबद्ध सेवा प्रवाहको माग गर्दै कुवेतस्थित नेपाली दूतावास र सम्बन्धित निकायको ध्यानाकर्षण गराउँदै आएका छन् । तर दूतावासका कर्मचारीले सामान्य काममा समेत दुख लिने गरेको व्यवसायीले मात्र होइन कामदारको पनि गुनासो छ ।