लम्कीमा प्रसाईको आक्रमक भेला : ओली, प्रचण्ड, लामिछाने र देउवालाई आफनो बाटोमा आउन अपिल

काठमाडौं– जनतासँग प्रत्यक्ष सरोकार राखिने मुद्दामा आवाज उठाउँदै आएका मेडिकल व्यवसायी दुर्गा प्रसाईले राष्ट्र राष्ट्रियता धर्म संस्कृति नागरिक बचाउ महाअभियानको ५३ औँ आमसभा कैलाली लम्कीमा आज कार्यक्रम गरेका छन् ।

प्रसाईले दुई बर्षयता देशमा जनताका प्रत्यक्ष दैनिकीसँग जोडिएका समस्यामा आवाज उठाउँदै देशव्यापी रुपमा आन्दोलन गर्दै आएका छन् ।

आज लम्कीमा भएको कार्यक्रमलाई संम्बोधन गदै प्रसाईले जनताजस्तै, माओवादी अध्यक्ष पुष्पकमल दाहाल प्रचण्ड, एमाले अध्यक्ष केपी ओली, कांग्रेस सभापति शेरबहादुर देउवा, एस अध्यक्ष माधव नेपाल र राश्वपा सभापति रवि लामिछानेलाई आफनो महाअभियानमा आउन आग्रह गरेका छन् ।

प्रसाईले देश विकासका लागि आफनो महाअभियान समय सापेक्ष भएको बताउँदै सबै राजनीतिक दललाई देश बनाउने हो भने, मेरो महाअभियानमा आउनुहोस । एकपटक सबै मिलेर देशका लागि नयाँ सोच र योजना बनाएर अघि बढ्नुपर्ने अभिव्यक्ति दिए ।

अहिलेको सत्ता व्यवस्थाले देशमा परिवर्तन नदिने ठोकुवा गर्दै प्रसाईले अहिलेको जस्तो अवस्था देशमा रहिरहे १० वर्षमा नेपाललै खाली हुने, विकास ठप्प हुने र जनताको समस्या झन जटिल हुने समेत दाबी गरे ।

लम्कीमा २५ हजारभन्दा बढी जनता सहभागि भएको कार्यक्रमलाई सम्बोधन गर्दै प्रसाईले म अरु राजनीतिक दलजस्तो स्वार्थ बोकेर महाअभियानमा होमिएको होइन । नयाँ सोच, विकासका योजना र नेपाली जनताको व्यवस्थापनका लागि महाअभियानमा होमिएको उनले बताए । ‘आज लम्कीबाट सबै जनतालाई साँची राखेर बोल्दै छु । एमाले, कांग्रेस, माओवादी र राश्वपाका धेरै जनता मेरो महाअभियानमा सहभागि छन् । यी पार्टीका नेतृत्वहरुले पनि मेरो महाअभियान नजिकबाट हेर्दैछन् ।’ उनले भने, ‘अब सबै पार्टीका नेतृत्व मेरो महाअभियानमा आउनुपर्ने बाध्यता हँुदैछ । मैले अहिले नै अपिल गरेको छु आउनुहोस भनेर । नत्र भोली जनताले तपाईहरुलाई मेरो महाअभियानमा धेकेलेर आउन बाध्य बनाउने छन् ।’

मैलेपनि देश बनाउने सपना बोकेको र देखेको छु । अब आफनो देश बनाउन सबै जनाले हात्तेमालो गर्नुपर्ने बेला भएको उनले लम्कीबाट उदघोष समेत गरे ।

प्रसाईले लोकतन्त्रमा राजनीतिक स्वार्थका लागि पार्टी फुटाउने, सासंद भवनमा स्वार्थका लागि कराउने र सासंदलाई आफनो नियन्त्रणमा राख्न खोज्ने मात्र काम भयो । यस्तो प्रवृत्ति देशमा कहिले विकास नहुने उनको ठोकुवा छ ।

प्रसाईको कार्यक्रममा विहानैदेखि गाँउ–गाँउबाट सर्वसाधारण जनता आएका थिए । उनको कार्यक्रममा ३० हजार जति जनता सहभागि भएको प्रहरीको अनुमान छ । सुदूरपश्चिमाञ्चलमा आयोजित कार्यक्रममा सबै पार्टी प्रतिनिधि प्रसाईको कार्यक्रममा भेला भएका थिए ।