यूएईबाट उद्धार गरिएका दुई पीडित उचालेर प्रसाईमाथि नचाहिँदो आरोप
काठमाडौं– युएईमा मृत्यदण्डको सजाय सुनुवाई भएका दुई जना युवालाई मेडिकल व्यवसायी तथा नागरिक बचाउ महाअभियानका संयोजक दुर्गा प्रसाईको पहलमा उद्धार गरी स्वदेश ल्याइएको थियो । विहिबार ओखलढुंङ्गाका पहलमान थापा मगर र धादिङका भुवन श्रेष्ठलाई प्रसाईको पहलमा स्वदेश फकाइयो ।
उनीहरुलाई यूएईको तल्लो अदालतले ५०–५० लाख ब्लडमनीको सजाय सुनाएको थियो । उनीहरु दुवै जनाको ब्लडमनी तिर्ने समय सकिएपनि प्रसाईले पाँच महिना थप्न लगाएका थिए । उनीहरु ज्यान मारेको अभियोगमा जेलमा थिए । यस मुद्धामा उनीहरुलाई ब्लडमनीको सजाय सुनाइएको थियो ।
प्रसाईसहित महाअभियान, केही समाजसेवी, पत्रकार र अन्यको सहयोगमा थापामगर र श्रेष्ठको ब्लडमनी संकलन भयो । उनीहरुलाई ब्लडमनी तिरेर स्वदेश फकाउन १ करोड नौ लाख खर्च लागेको थियो । तर हिजोदेखि समाज भाडुवाहरुले थापा र श्रेष्ठलाई उचालेर प्रसाईमाथि नभएको आरोप लगाउन थालेका छन् । प्रसाईले नै उनीहरुको ब्लडमनीका बारेमा केही बोलेका छैनन । श्रेष्ठ र थापाका परिवार आएर भेटेपछि प्रसाईले उनीहरुलाई ब्लडमनी संकलनका लागि सबैसँग आग्रह गरेका थिए ।
ब्लडमनी मैले दिएको भनेको छैन । सबै संघ–सस्था, समाजसेवी र व्यक्तिले उठाएर थापा र श्रेष्ठलाई स्वदेश ल्याइएको प्रसाईले बताएका छन् । समस्यामा परेका व्यक्तिको उद्धार भएपछि केही नकारात्मक सोच भएका समाजमा विकृत्ति फैलाउने व्यक्तिले नचाहिँदो आरोप लगाएको प्रसाईको भनाइ छ । प्रसाईमाथि नभएको आरोप लगाएको दुवै जना पीडितले समेत बताउँदै आएका छन् ।