प्रसाईले उठाएको कम्बोडियामा प्रधानमन्त्रीको लगानीमा छानबिन गर्न प्रचण्डको माग

काठमाडौंनागरिक बचाउ महाअभियानका संयोजक तथा मेडिकल व्यवसायी दुर्गा प्रसाईले प्रधानमन्त्री केपी शर्मा ओलीको कम्बोडियामा लगानी भएको आरोप दुई महिनाअघि नै लगाएका थिए । उनले विभिन्न प्रमाणहरु आफूसँग सुरक्षित रहेको भन्दै ओलीको कम्बोडियामा लगानी भएको बताएका थिए ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पनि बिहीबार प्रतिनिधिसभाको बैठकमा सम्बोधन गर्दै यस विषयमा छानबिन हुनुपर्ने माग गरेका छन् । उनले ओलीमाथि यस विषयमा छानबिन गर्न पनि आग्रह गरेका छन् । ओलीले अहिले सत्ताको आडमा जनता फसाउन समेत ओली लागेको उनको आरोप थियो ।

प्रसाईले कम्बोडियामा रहेको टेलिकम एग्जियाटा कम्पनीमा प्रधानमन्त्री ओलीको २३ करोड अमेरिकी डलर लगानी रहेको कागजात रहेकोसमेत प्रसाईको सचिवालयले जनाएको छ ।

अर्थात् नेपाली मूल्य आजको मितिमा ३० अर्ब ९९ करोड (एक डलर बराबर १३४ रुपैयाँ ७४ पैसा) भन्दा बढी हुन्छ । त्यत्रो पैसा कहाँबाट आयो भनी प्रश्नसमेत उठाइएको छ ।

सन् २०१९ को मे १४ मा प्रधानमन्त्री हुँदा ओली कम्बोडिया बिजनेश फोरममा सहभागी हुन पुगेका थिए । यस मुद्दामा छानबिन नगरी ओलीले प्रसाईलाई सत्ताको दुरुपयोग गरी दुई महिना प्रहरी हिरासतमा राखेका थिए ।