राजा शाहलाई पक्रिने ओली सरकारको औकात छैन, यो सबै स्टेनवाजी मात्र भएको प्रसाईको दाबी

काठमाडौं– प्रधानमन्त्री केपी शर्मा ओलीले पूर्वराजा ज्ञानेन्द्र शाहलाई गिरफ्तार गरेको चर्चा चलिरहेको छ । यस विषयमा नागरिक बचाउ महाअभियानका संयोजक दुर्गा प्रसाई सरकार र विपक्षी दल माओवादीको स्टेनवाजी मात्र भएको आरोप लगाएका छन् ।

राजसंस्थाको पुनस्र्थापना, संघीयताको खारेजी, हिन्दू राष्ट्र स्थापनासहितका मागसहित आन्दोलन चर्किरहेका बेला प्रधानमन्त्री ओलीले राष्ट्रवादीलाई त्रासमा राख्न यस्तो यस्तो स्टेनवाजी गरेको प्रसाई बताउँछन् ।

नेपाल कम्युनिस्ट पार्टी (एमाले)का अध्यक्षसमेत रहेका प्रधानमन्त्री ओली नेपाली कांग्रेसका सभापति शेरबहादुर देउवा र नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग थप छलफल गरेर अगाडि बढ्ने योजनामा भइरहेको चर्चा समेत चलिरहेको छ । यसै बेला प्रसाईले भने यो सबै लोकतन्त्रमा ठगि खान पल्केको हल्ला मात्र गरेको बताएका छन् ।

यसै विषयमा अघि नै प्रधानमन्त्री ओली, देउवा र प्रचण्डबीच छलफल हुने भनिएपनि भएको छैन । तर, माओवादी केन्द्रद्वारा हुलाकी राजमार्ग केन्द्रित आयोजित जनतासँग माओवादी कार्यक्रमका लागि प्रचण्ड तराई मधेशतर्फ गएकाले उनीहरूको भेट नभएको ओलीको सचिवालयले जनाएको छ । प्रचण्ड गएपछि ओली र देउवाबीच मात्रै भएको थियो । तर ओलीले राजाको गतिविधि नियन्त्रणमा राख्ने प्रस्ताव गरेपनि देउवाले केही जवाफ दिएका छैन ।

चुनौती दिँदै सडकमा उत्रिएपछि पूर्वराजालाई पनि गिरफ्तार गर्नुपर्ने हुन्छ भन्ने ओलीको भनाइमा देउवाले केही बोल्न नचाहेको पाइएको छ ।

राष्ट्रिय प्रजातन्त्र पार्टी (राप्रपा)लगायतका दलहरू पूर्वराजालाई फर्काउने योजनासहित आन्दोलनमा उत्रिएपछि देउवाले पूर्वराजा फर्किन नसक्ने बताउँदै राप्रपाको अध्यक्ष बनाउनुपर्ने टिप्पणी गरेका छन् । पूर्वराजालाई फर्काउनका लागि राप्रपाले आन्दोलन गरेपछि प्रचण्डले राजा कुनै पनि हालतमा नफर्किने ठोकुवासमेत गरेका छन् ।

Image Source: © https://mulpatra.com

तर राप्रपाभन्दा पुर्वराजा फकाउन प्रसाईको आन्दोलन भने चुनौती हुने तीन जना शीर्ष नेताहरुले बताउँदै आएका छन् । प्रधानमन्त्री ओलीले यसअघि नै प्रचण्डसँग भेट्ने प्रयास गरेका थिए । संसद्को ७ चैतमा बसेको बैठकमा ओलीले प्रचण्डसँग भेट्ने प्रयास पटकपटक गरिए पनि भेट हुन नसकेको बताएका थिए ।

ओली र प्रचण्डले अहिलेको अवस्थामा राप्रपाभन्दा प्रसाईको आन्दोलन चुनौती भएको बुझेका छन् । जसका कारण प्रसाईको गतिविधिमाथि सरकारले चासो दिइरहेको छ । प्रधानमन्त्री ओलीले यसअघि बसेको एमाले सचिवालय बैठकमा पूर्वराजाबाट व्यवस्थालाई चुनौती दिने काम बढ्दै गए गिरफ्तारसम्म गर्न सकिने बताएका थिए । उनले उक्त बैंठकमा राजालाई बलियो साथ प्रसाईको भएका कारण केही चुनौती भएको उनको धारण थियो ।

गत ४ चैतमा बसेको सचिवालय बैठकमा ओलीले भारतीय जासुसी संस्था ‘रअ’ले आफू नेतृत्वको सरकारविरुद्ध गतिविधि गरेको बताउँदै त्यसो हो भने आफूले संसद्मै त्यसका ’दयगतमा खुला रूपमा बोल्ने बताएका थिए । यसमा कसो भुमिका ठुलो छ भनेर प्रसाईतिर औल्याएका थिए ।

प्रधानमन्त्री भएदेखि नै ओलीको भारतीय पक्षसँग सम्बन्ध सुधार हुन सकेको छैन । अरू प्रधानमन्त्रीलाई पदमा जानेबित्तिकै औपचारिक भ्रमणका लागि निम्तो दिने भारतले ओलीलाई नौ महिनासम्म पनि आमन्त्रण गरेको छैन ।

त्यसका लागि पटकपटक भएका प्रयास सफल हुन सकेको छैन । पछिल्लो समय परराष्ट्रमन्त्री आरजु देउवा राणाले प्रयास गरे पनि उनी पनि असफल भएकी छन् ।