रास्वपाले विपिन आचार्यलाई रुपन्देही–३ को उपनिर्वाचनको कमाण्डर तोक्यो
काठमाडौं– राष्ट्रिय स्वतन्त्र पार्टीले रुपन्देही ३ को उपनिर्वाचनमा उम्मेदवार चयन गर्नको लागि कार्यविधि स्वीकृत गरी केन्द्रीय समिति सदस्यहरूको रायका लागि पठाइएको छ ।
बैठकले सहमहामन्त्री एवं लुम्बिनी प्रदेश इञ्चार्ज विपिनकुमार आचार्यलाई रुपन्देही निर्वाचन क्षेत्र नं. ३ मा हुने उपनिर्वाचन सम्बन्धी सम्पूर्ण कार्यको नेतृत्व गर्ने जिम्मेवारी दिएको छ ।
पार्टी सचिवालय बैठकले कार्यविधि अनुसार पार्टीले केही दिनभित्र उपनिर्वाचनका लागि उम्मेदवार बन्न इच्छुक व्यक्तिहरूबाट आवेदन आह्वान गर्ने निर्णय गर्ने महामन्त्री कवीन्द्र बुर्लाकोटीले बताए ।
उनका अनुसार प्राप्त आवेदनहरूको मूल्याङ्कन गरी तय कार्यविधिअनुसार उम्मेदवार छनोट प्रक्रिया सञ्चालन गर्नेछ।