श्रम मन्त्रीमा शुक्ला आउँदै, एक वर्षपछि आफुनै फर्किने भण्डारीको दाबी

काठमाडौं– लोकतान्त्रिक समाजवादी पार्टीका नेता सर्वेन्द्र नाथ शुक्ला श्रम, रोजगार तथा सामाजिक सुरक्षा मन्त्रालयको जिम्मेवारीमा आउने भएका छन् । समाजवादी पार्टीका सहअध्यक्ष समेत रहेको उनलाई पार्टीले अर्को साता श्रम मन्त्रीको जिम्मेवारीमा पठाउने निर्णय गरेको छ ।

सरकारको नेतृत्व गरेको नेकपा (एमाले) ले मन्त्री हेरफेर गर्न थालेपछि सरकारमा रहेका अशोक राई नेतृत्वको जनता समाजवादी पार्टी र महन्थ ठाकुर नेतृत्वको लोकतान्त्रिक समाजवादी पार्टी नेपालमा पनि मन्त्री फेर्ने भएको हो ।

हाल लोसपा नेपालका वरिष्ठ नेता शरदसिंह भण्डारी श्रम मन्त्री हुन् । उनी पनि एक वर्षका लागि मन्त्री बनेका थिए । उनीपछि पार्टीका सहअध्यक्ष सर्वेन्द्रनाथ शुक्ल मन्त्री बन्ने सहमति भएको थियो । लोसपा नेपालले मन्त्री पठाउने बेलामा नै एकका वर्षका लागि पठाइएको थियो । त्यो एक वर्ष पुरा भएको छ । अब लोसपाले पनि मन्त्री फेर्ने भएको हो ।

श्रम, रोजगार तथा सामाजिक सुरक्षा मन्त्री शरद्सिंह भण्डारीले पनि श्रम मन्त्रालयको जिम्मेवारी हेरफेर हुन लागेको स्वीकारेका छन् । सरकार साझेदारी हुँदा भएको पार्टीको सहमतिअनुसार आफु एक वर्षपछि श्रम मन्त्रालयको जिम्मेवारीमा पुन फर्किन गरी श्रम मन्त्रालयबाट विदा हुन लागेको उनको दाबी छ ।

श्रम मन्त्रालयको जिम्मेवारीमा दोस्रोपटक आउँदा आफुले निकै ठुलो उपलब्धी हुने काम गरेको मन्त्री भण्डारीले बताए । ‘श्रमिकका पक्षमा काम भएका छन् । ऐन संशोधनदेखि वैदेशिक रोजगारी सुधारका लागि ठुलै पहल भएको छ । मैले एक वर्षको अवधिमा निकै महत्वपुर्ण काम गरे ।’ उनले भने ।

लोसपाले मन्त्री पटाउँदा सुरुमा सर्वेन्द्रनाथ शुक्ला जाने चर्चा थियो । तर शपथग्रहण गर्ने बेला भण्डारीको नाम पार्टीबाट गएको थियो । त्यसमा असन्तुष्टि जनाउँदै शुक्लाले पार्टीबाट नै विद्रोह गर्ने मनस्थितिमा पुगेका थिए । उनले सो निर्णयप्रति आपत्ति पनि जनाएका थिए । त्यही बेला एक वर्षपछि भण्डारीलाई फिर्ता बेलाएर शुक्लालाई पठाउने सहमति भएको थियो । त्यो सहमति अनुसार एक वर्ष पुरा भएको हो ।

Image Source: © https://mulpatra.com

श्रम मन्त्रीका लागि टुङगो लागेको शुक्लाले जानकारी दिए । उनका अनुसार प्रधानमन्त्री केपी ओलीको खल्तीमा आफनो नाम रहेको स्यंम प्रधानमन्त्रीको गोजीमा रहेको बताउनु भएको छ ।