जेनजीले थपेको अन्यौलता, नेपालमा विध्वंस मच्चाएर विदेशबाट छलफल गदै एउटा समुह

काठमाडौं– सोमबारबाट सुरु भएको जेन जी प्रदर्शनले हिंसात्मक रूप लिँदा कम्तीमा १९ जनाको मृत्यु भयो । भने ५ सयभन्दा बढी घाइते भए । तर यो जेन जी समूहको पहिचान समेत खुलेको छैन ।

आज नेपाली जेनजी समुहले गरेको जुम मिटिङमा सबै पहिचान लुकाएको पाइयो । भने अधिकांश विदेशमा बसेर नेपालमा जेनजी आन्दोलन मच्चाएको देखियो ।

४ हजार बढी समूह भएको नेपाली जेनजी पहिचानविहिन जस्तो देखिएको छ । उक्त समूहमा हंङकङ लगायतमा स्थायी बसोबास गरिरहेकाहरु समेत भेटिएका छन् । नेपालमा विध्वंस मच्चाएर विदेशबाट छलफल चलाइरहेको पाइएको हो । उनीहरुले जेनजीको आन्दोलनमा कसरी लिडरसिप लिने भनेर मात्र छलफल गरेका छन् । उक्त समूहमा बोल्न एक युवती आफु नेपालमा जन्मिएको होइन । तर मैले नेपालमा आन्दोलन गर्न सहयोग गरेको छु भन्दै छलफलमा बताइरहेकी थिइन् । यही समूह विभिन्न देशमा बसेर नेपालमा आन्दोलन चलाएको पाइयो । समूहको रणनीति वा योजना विदेशबाट निर्देशन वा समन्वय गरेर चलाइएको छ ।

राजनीतिक वा सामाजिक आन्दोलनपछि यो पुस्ताको चर्चा छ । तर यही पुस्ता अदृश्य छ । यस समूहको स्पष्ट नेतृत्व वा सदस्यता खुलेको छैन । यहीभित्र समेत अनेक समूह देखिएकोले छलफलमा रहेको नेपाली सेना समेत अन्योलमा परेको छ । आन्दोलन हिंसात्मक भएर सेना अघि आउन वाध्य भएको बेला जेनजी समूह आधिकारीक को हो ? कसले नेतृत्व गर्ने भन्ने विषय समेत समूहमा छलफल भएपछि अन्योल र अपरिपक्ता देखिएको छ ।

सरकारविरुद्धको आन्दोलन चर्किएर प्रधानमन्त्री राजीनामा गरिसकेका छन् । सबै प्रमुख सरकारी अड्डाहरु खरानी भएका छन् । यस्तो विषम परिस्थितिमा आन्दोलनको नेतृत्व गरेको भनिएको रक्षा बम समेत रहेको एउटा जेनजी समूह नेपाली सेना प्रमुखसँग वार्तामा रहेको बेला जेनजीको नेपाली समूहमा ‘सेनासँग वार्ता गर्न गएको छ रे, जेनजी भन्दै, को हो रक्षा बम’ भन्ने जस्ता सहभागीले कुरा उठाइरहँदा खरबौको भौतिक संरचना नष्ट भएर राजनीतिक अन्यौलता रहेको अवस्थामा जेनजीका विभिन्न समूहले झन अन्योल थपेका छन् ।

Image Source: © https://mulpatra.com