११औं महाधिवेशनमा जुटेको एमालेः आज देशभरिबाट प्रतिनिधि छनौट गर्दै

काठमाडौं । नेकपा एमालेको काठमाडौंमा हुने ११ औं महाधिवेशनमा आउने प्रतिनिधिहरुको चयन आज हुँदैछ । महाधिवेशन प्रतिनिधि चयन देशभरिबाट आजै गर्ने गरि पार्टी सचिवालयले निर्णय गरेको थियो ।

केही जिल्लामा भने सर्वसहमति भइसकेको पाइएको छ । बाँकी जिल्लाहरुमा आज बिहान ९ बजे देखि निर्वाचन प्रक्रियामा गएर प्रतिनिधि छनौट गर्ने तयारी भइरहेको छ ।

एमालेमा हाल ६ लाख ६७ हजार संगठीत सदस्य रहेको छन् । तिनै संगठीत सदस्यबाट महाधिवेशन चयन गर्न लागेको हो । झण्डै २२ सय प्रतिनिधि रहने महाधिवेशनका लागि यसपटक प्रत्येक संघीय निर्वाचन क्षेत्रबाट कम्तीमा एक जना युवा प्रतिनिधिको कोटा सुरक्षित गरिएको छ ।