कुवेत दूतावासले प्रहरी रिपोर्ट प्रमाणिकरण नगर्दा चाइनीज गेजुवा कम्पनीमा कार्यरत १६० कामदार अवैध हुँदै

काठमाडौं–कुवेतस्थित नेपाली दूतावासले चाइनीज गेजुवा कम्पनीको कन्ट्रक्सनमा पुगेका १ सय ६० जना नेपाली कामदार प्रहरी रिपोर्ट प्रमाणिकरण रोकेको छ ।

दूतावासले मागपत्र प्रमाणिकरण गरेपनि अन्तिममा कुवेतस्थित चाइनीज गेजुवा कम्पनीमा पुगेका कामदारको प्रहरी रिपोर्ट प्रमाणिकरण नगर्दा उनीहरु अवैध भइ स्वदेश फर्किनुपर्ने अवस्थामा पुगेको कामदारकै गुनासो छ ।

कुवेतस्थित नेपाली दूतावासकी कन्सुलर सुजनी रानाले मागपत्र प्रमाणिकरण गर्दा केही नभनेपनि चाइनीज गेजुवा कम्पनीको कन्ट्रक्सनमा ४ महिनाअघि पुगेका कामदारको प्रहरी रिपोर्ट प्रमाणिकरण नगरेपनि उनीहरु अवैध हुने अवस्था सिर्जना भएको हो ।

मागपत्र प्रमाणिकरण गर्दा भने केही समस्या नदेखेको दूतावासले अहिले आएर कामदार रोजगारीमा पुगेपछि समस्या देखाएर उनीहरु अवैध बनाउन खोजीरहेको कुवेतबाट एक जना नेपाली कामदारले जानकारी दिए ।

उनका अनुसार चाइनीज गेजुवा कम्पनीको कन्ट्रक्सनमा रोजगारीमा आएको ४ महिना भयो । यस कम्पनीमा केही इष्यु भएको भए त पहिला नै मागपत्र प्रमाणिकरण रोक्नुपर्ने थियो । हामी आएपछि कुवेतस्थित नेपाली दूतावासकी कन्सुलर सुजनी रानाले प्रहरी रिपोर्ट प्रमारिकरण रोकेपछि १ सय ६० जना कामदार अवैध हुने अवस्थामा पुगेको उनले बताए । ‘आफनै देशको दूतावासका कारण हामी अवैध हुने सम्भावना भयो । यो गुनासो हामीलाई दूतावासमा पठाउँदा कुवेतस्थित नेपाली दूतावासकी कर्मचारी कन्सुलर सुजनी रानाले मैले ल्याएको हो र भन्दै हप्काउनु हुन्छ । ४ महिना भयो प्रहरी रिपोर्ट प्रमाणिकरण भएको छैन ।’ उनले भने ।

उनका अनुसार कुवेतस्थित नेपाली दूतावासकी कर्मचारी कन्सुलर सुजनी रानाले कुवेतस्थित चाइना गेजुवा कम्पनीसँग कमिशनका लागि हाम्रो प्रहरी रिपोर्टमा प्रमाणिकरण नगरेको उनको आरोप छ ।

Image Source: © https://mulpatra.com

दूतावासका कर्मचारीदेखि राजदूतले समेत मागपत्र प्रमाणिकरण र कम्पनीका केही समस्या आए कमिशनका लागि काम रोक्ने गरेको म्यानपावर व्यवसायी र कामदारले नै गुनासो गदै आएका छन् ।

कुवेतस्थित चाइना गेजुवा कम्पनीको कन्ट्रक्सनमा गएका १ सय ६० जनाभन्दा बढी कामदार प्रहरी रिपोर्ट दूतावासले प्रमाणिकरण नगर्दा समस्यामा परेको विषयमा कुवेतस्थित नेपाली दूतावासका राजदूत घनश्याम लम्सालले केही समस्या नभएको मात्र जानकारी दिए ।

कुवेतस्थित चाइना गेजुवा कम्पनीमा केही समस्या भए किन मागपत्र प्रमाणिकरण गरेको भन्ने प्रश्नमा उनले केही जवाफ दिएनन् ।

दूतावासका कर्मचारीले कमिशन पाएजस्तो पनि काम गर्छन् । पछि समस्या आएपछि फेरी रोजगारदाता कम्पनीसँग कमिशन लिन अर्को अड्को थापेर समस्या सिर्जना गदै आएका छन् । यस विषयमा हामीले परराष्ट्र मन्त्री बालानन्द शर्मालाई सोध्दा उनले कुवेतस्थित दूतावासका राजदूतसँग बुझेर मात्र जवाफ दिने जानकारी दिए ।