कोडेवर ७.० नेशनल प्रतिस्पर्धाको “गल्र्स इन टेक अवार्ड” काठमाडौं न्यू क्यासल स्कुललाई

काठमाडौं– विश्वव्यापी प्रतिस्पर्धात्मक मंच कोडेवर ७.० नेशनल प्रतिस्पधामा नेपाली विद्यार्थीहरूको प्रतिभा देखाउदै काठमाडौं न्यू क्यासलका छात्राहरुले “गल्र्स इन टेक अवार्ड”को उपाधी हात पारेका छन ।

अब इन्डोेसियाको जकार्तामा सम्पन्न अन्तर्राष्ट्रिय कोडिङ्, एआई र रोबोटिक्स प्रतिस्पर्धाको फाईनल कोडेवर ७.० मा काठमाडौं, बसुन्धरा स्थित न्यू क्यासल स्कुलका छात्राहरूले नेपालको प्रतिनिधित्व गर्दै सहभागीता जनाउने छन् ।

विजेता टोलीका छात्राहरूः
· रितिका पौडेल
· तृप्ति घिताल
· नितु सरदार
विद्यार्थीहरुले बनाएका Autated Vertical Garden एक आइओटी–आधारित स्मार्ट बगैँचा समाधान हो जुन स्थायी सहरी खेती र बिरुवा हेरचाहलाई प्रवर्धन गर्न डिजाइन गरिएको छ। यसले सहरी क्षेत्रमा हरियाली राख्न गाह्रो हुने, सीमित ठाउँ, अनियमित सिँचाइ र सूर्यप्रकाशको समस्या जस्ता चुनौतीहरू समाधान गर्दछ।

यो प्रणाली एउटा भ्क्ए ३२ ःष्अचयअयलतचयििभच आधारित छ। माटोको आद्र्रता र पानीको तह नाप्ने संवेदकहरूले बिरुवाको अवस्था निरन्तर मोनिटर गर्छन् र आवश्यकता अनुसार स्वचालित रूपमा पानी सिँचाइ हुन्छ । यसैगरी, प्रकाश संवेदक (एलडीआर) र वर्षा संवेदकले पानीको बचत गर्दै बिरुवालाई उपयुक्त वातावरण प्रदान गर्छ ।
यसको मुख्य विशेषताहरूः

· माटोको आद्र्रता आधारित स्वचालित सिँचाइ
· स्मार्ट पानी व्यवस्थापन
· सूर्यप्रकाश मोनिटरिंग
· वर्षा पत्ता लगाएर अनावश्यक सिँचाइ रोक्ने
· ठाउँ बचत गर्ने ठाडो डिजाइन

यो परियोजनाले नवीनता, उद्यमशीलता र वातावरणीय जिम्मेवारीको सुन्दर समन्वय प्रस्तुत गरेको छ। घर, विद्यालय र अपार्टमेन्टमा सजिलै लागू गर्न सकिने यो प्रणालीले स्थायी कृषि र स्मार्ट जीवनशैलीलाई प्रवर्धन गर्दछ।

Image Source: © https://mulpatra.com

यस सफलताको क्रममा, यही विजेता विद्यार्थीहरूले नेपालको प्रतिनिधित्व गर्दै कोडेवर ७.० को अन्तर्राष्ट्रिय फाइनल मा सहभागी हुनेछन् । अन्तर्राष्ट्रिय फाइनल २०२६ मे १६–१७ मा जकार्ता, इन्डोनेसिया मा आयोजना हुनेछ।

कोडेवर ७.० – ट्र्याक १ (नवीनता र उद्यमशीलता) को उद्देश्यः

यस ट्रर्याकले विद्यार्थीहरूलाई वास्तविक जीवनका समस्याहरू पहिचान गरी सामाजिक, वातावरणीय र आर्थिक प्रभाव पार्ने प्रविधि–स्वचालित समाधान खोज्न प्रोत्साहित गर्दछ। आइओटी, स्वचालन र स्मार्ट प्रणाली जस्ता प्रविधिहरूको प्रयोगबाट उद्यमशील सोच विकास गराउनु यसको मुख्य ध्येय हो।

यस उपलब्धिले प्रविधि क्षेत्रमा नेपाली युवतीहरूको बढ्दो सक्रियता र सिपलाई अन्तर्राष्ट्रिय स्तरमा चिनाएको छ र अरू विद्यार्थीहरूलाई पनि नवीन आविष्कारको लागि प्रेरणा दिने अपेक्षा गरिएको छ ।