फागुन –७ भित्र १२ बुँदे सहमति कार्यान्वयन नगरे आमहड्तालसम्म आन्दोलन गर्ने प्रसाईको चेतावनी

काठमाडौं– राष्ट्र, राष्ट्रियता, धर्म, संस्कृति तथा नागरिक बचाऊ अभियानका संयोजक दुर्गा प्रसाईंले फागुन –७ गतेभित्र सरकारले आफुसँग १२ बुँदे सहमति कार्यन्यवन नगरे आन्दोलनमा जाने चेतावनी दिएका छन् ।

प्रधानमन्त्री सुशीला कार्कीसहितको उपस्थितिमा भएको १२ बुँदे सहमतिमा सरकारले झुक्याएको भन्दै उनले आम हडतालसम्म आन्दोलन गर्ने विज्ञप्तीमार्फत जानकारी गराएका छन् ।

‘सरकारलाई फागुन–७ सम्म समय दिएको छौं । हामीसँग भएको सहमति मन्त्रिपरिषद् बैठकबाट सम्झौता कार्यान्वयनको निर्णय गर्ने प्रतिबद्धता भएन भने ठुलो आन्दोलन हुन्छ । सरकार गम्भीर देखिएन र हामी आन्दोलनमा उत्रन्छौं ।’ उनले भने ।

उनले आन्दोलनको क्रममा लघुबित्त, सहकारी र बैंकहरूलाई गाउँगाउँबाट लखेट्ने चेतावनी दिए । आगामी २१ फागुनको निर्वाचन बिथोल्ने गरी आन्दोलन गर्ने उनको भनाइ छ ।

उनका अनुसार हाम्र मुद्दामा जनमत संग्रह गरेर लोकतन्त्रको अधिक प्रयोग गरौं भनेका छौं । फेरि विद्रोहमा नजाऔं भनेको छौं । गाउँबाट लघुवित्त, सहकारी, बैंक पीडित उठ्ने उनको दाबी छ ।

प्रसाईले नेपाल हिन्दुराष्ट्र हुनुपर्ने, धर्मनिरपेक्षता खारेज हुनुपर्ने माग गरेका छ्न । उनले पूर्वराजा ज्ञानेन्द्र शाहलाई यसअघि नै एक विशाल सभा आयोजना गरी नागरिक अभिनन्दन समेत गराइसकेका छन् ।
२७ बुँदे माग र सवालका विषयमा नेपाल सरकारका तर्फबाट वार्ता समितिका संयोजक सञ्चार तथा सूचना प्रविधिमन्त्री जगदीश खरेल र महाअभियानका तर्फबाट दुर्गा प्रसाईंले सम्झौतापत्रमा हस्ताक्षर गरेका हुन् ।

Image Source: © https://mulpatra.com

संविधान खारेज गरी बौद्ध किराँत सहित वैदिक सनातन धर्म सापेक्ष हिन्दू अधिराज्य र संवैधानिक राजसंस्थाको स्थापना गरिनुपर्ने माग गरिएको छ । यो विषय जनमत संग्रहमार्फत टुंग्याउनुपर्ने पनि माग उनको छ ।

त्यस्तै प्रदेश संरचना खारेज गरी ५ विकास क्षेत्र, १४ अञ्चल, ७५ जिल्ला पुरानै अवस्थामा कायम गर्नुपर्ने माग छ । बैंक वित्तीय संस्थालाई राष्ट्रियकरण गरी जोखिम रकम उठाई बैंक र व्यवसायीलाई छुट्याउनुपर्ने माग गरिएको छ ।