दुर्गा प्रसाईँलाई पक्राउ गर्ने तयारीः निवास पुग्यो प्रहरी

काठमाडौं । राष्ट्र, राष्ट्रियता, धर्म–संस्कृति र नागरिक बचाउ महाअभियानका संयोजक दुर्गा प्रसाईंलाई प्रहरीले पक्राउ गर्ने तयारी गरेको छ । पटकपटक पक्राउ र रिहा हुँदै आएका प्रसाईँलाई पक्राउ गर्न प्रहरी आइतबार बिहानै उनको भक्तपुरस्थित घरमा पुगेको हो।

सुसिला कार्की सरकारसँग १२ बुँदे सहमति गरेका प्रसाईले सरकारले सहमति पालना नगरेको आरोप लगाउँदै आएका छन् । सरकारले उनीसँग गरेको सहमति पालना नगरुन्जेल निर्वाचन गराउनुको कुनै अर्थ नभएको भन्दै प्रसाईले निर्वाचन रोक्न र भोट नहाल्न सार्वजनिक अपिल गरेका छन् ।

सरकारले भने सहमति पालना गर्नुको सट्टा निर्वाचन भाँड्न अभिव्यक्ति दिँदै हिँडेको आरोप लगाएको छ ।

राष्ट्र, राष्ट्रियता, धर्म, संस्कृति तथा नागरिक बचाऊ अभियानका अगुवा प्रसाईँ केही दिनअघि मात्रै सर्वोच्चको आदेशमा रिहा भएका थिए।