मलाई बोल्न दे सरकार भन्ने बालेनले बोलेकै भरमा प्रतिपक्षीय ठानेर प्रसाई पक्रिन आदेश दिए त ?

काठमाडौं– मलाई बोल्न दे सरकार भनेर राजनीतिमा उदाएका प्रधानमन्त्री बालेन शाहले बोलेकै भरमा राष्ट्र, राष्ट्रियता धर्म संस्कृति र नागरिक बचाउन महाअभियानका संयोजक दुर्गा प्रसाईंलाई पक्रिन आदेश दिए त भन्ने अहिले प्रश्न उठ्न थालेको छ ।

प्रसाईले पछिल्लो समय राष्ट्रवाद, भ्रष्टाचार, बैंक तथा आर्थिक विषय उठाएर सडक र सामाजिक सञ्जालमा प्रभाव बनाउने प्रयास गरेका छन् । प्रसाईले बालेकै भरमा सरकारे ‘निगरानी र नियन्त्रण’ शैलीको देखिएको विश्लेषण जनताले गर्न थालेका छन् ।

बालेनले बोलेकै भरमा प्रसाई पक्रिन आदेश दिए त भन्ने अर्को प्रश्न समेत जनतामा छ । तत्कालिन प्रधानमन्त्री केपी ओली पनि प्रसाईलाई बालेकै भरमा कयौं पटक पक्राउ गरेका थिए । प्रसाईसँग सिंगो एमाले भिड्दा ओलीको राजनीतिक यात्रा समेत ओरोलो लागेको थियो ।

हाअभियान नेपालका संयोजक समेत रहेका प्रसाईं सोमबार सिमरा विमानस्थल हुँदै वीरगञ्ज पुगेका थिए । उनलाई सोमबार राति पर्साको वीरगञ्जबाट पक्राउ परे ।

जिल्ला प्रहरी कार्यालय पर्साले प्रसाईंलाई वीरगञ्जको दियालो होटलबाट पक्राउ गरेको थियो । त्यतिबेला के कारणले पक्राउ गरिएको हो भन्ने प्रहरीले प्रष्ट बताएको थिएन ।

वीरगञ्जमा मंगलबार हुने कार्यक्रममा सहभागी हुन उनी त्यहाँ पुगेका थिए । उनले विमानस्थलमै सञ्चारकर्मीहरूसँग कुराकानी पनि गरेका थिए । वर्तमान सरकार र रास्वपा सांसदहरूमाथि उनले विभिन्न आलोचनासहितका टिप्पणी सञ्चारकर्मीसँग गरेका थिए ।

Image Source: © https://mulpatra.com

अहिले पनि प्रसाईं प्रहरी हिरासतमै छन् । उनी कुन कसुरमा पक्राउ परेका हुन्, प्रहरीले कुन कसुरमा अनुसन्धान अघि बढाएको छ भन्ने विषयमा प्रहरीका प्रवक्ता तथा डीएसपी हरि बस्नेतले उनले दिएका अभिव्यक्ति लगायतमाथि अनुसन्धान भइरहेको बताए ।

प्रसाईले दिएका अभिव्यक्तिहरु, सार्वजनिक शान्तिमा खलल पु¥याएको विषयहरु प्रहरीले हेरिरहेको र प्रसाईंविरुद्ध म्याद थप भने नभएको जानकारी दिए ।

ओलीसँग प्रसाईको सम्बन्ध पहिले निकट देखिए पनि पछि राजनीतिक दूरी र सार्वजनिक आरोप–प्रत्यारोप बढेको थियो । उता बालेन शाहतर्फ पनि प्रसाईले आलोचनात्मक अभिव्यक्ति दिन थालेपछि सामाजिक सञ्जाल र राजनीतिक वृत्तमा ‘अब बालेन पनि प्रसाईसँग भिड्ने दिशामा’ भन्ने चर्चा बढेको देखिन्छ ।

तर औपचारिक रूपमा बालेन शाहले प्रसाईलाई लक्षित गरेर कुनै राजनीतिक अभियान घोषणा गरेका छैनन् । अहिले देखिएको अवस्था बढी सार्वजनिक टिप्पणी, सामाजिक प्रभाव र समर्थकबीचको प्रतिस्पर्धाजस्तो देखिन्छ ।

नेपालको राजनीतिमा लोकप्रिय व्यक्तित्वहरूबीचको यस्तो टकरावले सामाजिक सञ्जालमा ठूलो बहस जन्माउने गरेको छ, तर वास्तविक राजनीतिक परिणाम भने समयसँगै स्पष्ट हुन्छ ।

ओलीले बालेनसँग राजनीतिक रुपभन्दा व्यक्तिगत भिड्न खोज्दा विगत ओलीको राजनीतिक ब्रेक लागेको थियो । प्रसाई र बालेन सरकारबीच देखिएको सार्वजनिक टकराव, आलोचना र प्रतिक्रियाका आधारमा केही राजनीतिक विश्लेषकहरूले ‘प्रसाईलाई सत्ता पक्षले प्रभावशाली प्रतिपक्षीय आवाजका रूपमा लिन थालेको’ व्याख्या गरिरहेका छन् ।

तर ‘प्रधानमन्त्री बालेन शाहले औपचारिक रूपमा प्रसाईलाई सरकारको प्रतिपक्ष स्वीकारे’ भन्ने स्पष्ट आधिकारिक अभिव्यक्ति भने सार्वजनिक रूपमा देखिएको छैन । यो बढी राजनीतिक टिप्पणी, विश्लेषण र समर्थक–विरोधी धारणा आधारित व्याख्या हो ।

विशेषगरी सामाजिक सञ्जाल, सडक प्रदर्शन, राष्ट्रवाद, बैंकिङ प्रणाली, भ्रष्टाचार र राजनीतिक दलविरुद्ध प्रसाईले उठाइरहेका विषयले उनलाई परम्परागत दल बाहिरको आक्रामक वक्ताका रूपमा स्थापित गरेको देखिन्छ । त्यसैले सरकार वा सत्ता नजिकका शक्तिहरूले उनको गतिविधिलाई गम्भीर रूपमा हेर्न थालेको विश्लेषण भइरहेको छ ।

नेपालको वर्तमान राजनीतिक वातावरणमा स्थापित दलभन्दा बाहिरका व्यक्तिहरूले पनि जनमत प्रभावित गर्न सक्ने अवस्था बनेकाले यस्ता बहस झन् तीव्र भइरहेका छन् ।